კახა კალაძე - არავის მივცემთ უფლებას, რომ ჩვენი ქვეყნის მოსახლეობა „საზარბაზნე ხორცად“ გამოიყენოს, საქართველო არ იყიდება, ეს ყველამ დაიმახსოვროს - ნეტავ, ვინმემ რამე გაბედოს, კანონის ფარგლებში ყველა მიიღებს პასუხს

არავის მივცემთ უფლებას, რომ ჩვენი ქვეყნის მოსახლეობა „საზარბაზნე ხორცად“ გამოიყენოს, საქართველო არ იყიდება, ეს ყველამ უნდა დაიმახსოვროს - ნეტავ, ვინმემ რამე გაბედოს, ყველა კანონის ფარგლებში მიიღებს შესაბამის პასუხს, - ამის შესახებ დედაქალაქის მერმა, კახა კალაძემ ჟურნალისტებს სუს-ის მიერ გამოქვეყნებულ განცხადებაზე საუბრისას განუცხადა.

როგორც კალაძემ აღნიშნა, დღევანდელი ხელისუფლება ვიღაცებისთვის არ არის მისაღები, ვინაიდან, საქართველოს არ ჰყავს ხელისუფლება, რომელიც დათმობს ჩვენი ქვეყნის ინტერესებს მოსახლეობის ხარჯზე.

„ძალიან ბევრია ცხადი, ჩვენ პირდაპირ განცხადებებს ვისმენთ აღნიშნულთან დაკავშირებით, პირდაპირ ქმედებებსაც ვაკვირდებოდით, ყოველთვის არის იმის მცდელობა, რომ ქვეყანაში დაძაბულობა და არეულობა შემოიტანონ.

დღევანდელი ხელისუფლება ვიღაცებისთვის არ არის მისაღები, იმიტომ, რომ საქართველოს არ ჰყავს ხელისუფლება, რომელიც ჩვენი ქვეყნის ინტერესებს დათმობს და გაატარებს სხვა კონკრეტული ქვეყნის ინტერესს ჩვენი ქვეყნის მოსახლეობის ხარჯზე.

არავის მივცემთ უფლებას, რომ ჩვენი ქვეყნის მოსახლეობა გამოიყენოს „საზარბაზნე ხორცად“, საქართველო არ იყიდება, ეს ყველამ უნდა დაიმახსოვროს, ვინც არ უნდა იყოს ეს ქვეყნის შიგნით, ქვეყნის გარეთ, თუ ასე შემდეგ. საქართველო არ და ვერ გაიყიდება.

მეორე დღეა, მიზანმიმართულად მიმდინარეობს ქილიკი და დისკრედიტაციის მცდელობა იმ უწყების მისამართით, ვინც აღნიშნულზე განცხადებები გააკეთა. ეს მიზანმიმართულად ხდება, ცდილობენ გააუფერულონ აღნიშნული განცხადება, ისევ მოგვევლინებიან ხოლმე, რომ ასეთ რამეს „როგორ იკადრებენ და გაბედავენ". ნეტავ, ვინმემ რამე გაბედოს, ყველა კანონის ფარგლებში მიიღებს შესაბამის პასუხს. როდესაც ამ ადამიანებზე ვსაუბრობთ, გაიხსნეთ მათი წარსული, ვინ არიან ეს ადამიანები. ადამიანი, როდესაც პოლიტიკაში ხარ და ასეთ რაღაცას იკადრებ... დავიწყოთ ოჯახების გაუბედურება, რა ხდებოდა ციხეებში, ბიზნესის მიმართ რა ხდებოდა, ციხეებში პატიმრების დამცირება მიმდინარეობდა, მანქანებზე გადასკოჩილებს აუპატიურებდნენ. როდესაც ამას კადრულობ და ამის გამკეთებელი ხარ, ცხადია, ყველაფერზე წამსვლელი ხარ. ღირსეული ადამიანი და პოლიტიკოსი რომ იყო, ამას არ აკადრებდი არც ქვეყანას და არც მოსახლეობას. დღეს ისინი იმყოფებიან იქ, სადაც იმყოფებიან, სადაც დღეს ჩვენი მოსახლეობამ მიუსაჯა, თუ ვინმე გაბედავს, ქვეყნის შიგნით და ქვეყნის გარეთ, ქვეყანაში დესტაბილიზაციის შემოტანას, თუ ვინმე გაბედავს არეულობის და რევოლუციის მოწყობას, ამას შესაბამისი პასუხი მოჰყვება სახელმწიფოს მხრიდან“,- აღნიშნა კალაძემ.

ცნობისთვის, სუს-ის მიერ გამოქვეყნებულ ინფორმაციაშია ნათქვამია, რომ საქართველოს ტერიტორიასა და მის ფარგლებს გარეთ მოქმედი პირთა გარკვეული ჯგუფი, მიმდინარე წლის ოქტომბერ-დეკემბერში საქართველოში გეგმავს დესტაბილიზაციისა და სამოქალაქო არეულობის მოწყობას, რომლის საბოლოო მიზანია ხელისუფლების ძალადობრივი გზით შეცვლა.

სუს-ის ცნობით, აღნიშნული გეგმის ერთ-ერთ ავტორად გვევლინება საქართველოს ყოფილი შინაგან საქმეთა მინისტრის, ვანო მერაბიშვილის მოადგილე და ამჟამად უკრაინის სამხედრო დაზვერვის ხელმძღვანელის მოადგილე გიორგი ლორთქიფანიძე და მის დაქვემდებარებაში მყოფი ქართული წარმოშობის მქონე პირები, მათ შორის მესამე პრეზიდენტის დაცვის ყოფილი წევრი მიხეილ ბატურინი და ასევე სააკაშვილის ახლო გარემოცვის წევრი, უკრაინაში მოქმედი „ქართული ლეგიონის“ მეთაური მამუკა მამულაშვილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024