ბაჩუკი ქარდავა - პრეზიდენტის იმპიჩმენტს მხარს არ დავუჭერ - „ქართული ოცნების“ მხრიდან  პრეზიდენტზე დარტყმა არის ევროპულ არჩევანზე დარტყმა

პრეზიდენტის იმპიჩმენტს მხარს არ დავუჭერ - იმ ფონზე, რომ პრეზიდენტის ბოლოდროინდელი აქტივობა საკმაოდ კარგ შეფასებას იმსახურებს ევროკომისიის დასკვნის წინა პერიოდში, „ქართული ოცნების“ მხრიდან დარტყმა პრეზიდენტზე არის ევროპულ არჩევანზე დარტყმა, - ამის შესახებ ოპოზიციონერმა დეპუტატმა ბაჩუკი ქარდავამ განაცხადა.

როგორც მან აღნიშნა, პრეზიდენტის მიმართ კვლავ აქვს ნეგატიური პოზიცია, თუმცა ამ ვითარებაში იმპიჩმენტი ქვეყნის ევროპული გზის შეფერხებას ნიშნავს.

„მიუხედავად იმისა, რომ ვინარჩუნებ პრეზიდენტის მიმართ ნეგატიურ პოზიციას, კითხვის ნიშნები არ შეიძლება არსებობდეს რომ მე, ბაჩუკი ქარდავა, ოპოზიციონერი დეპუტატი მხარს არ დავუჭერ იმპიჩმენტის პროცედურას, რომელიც წამოიწყო „ქართულმა ოცნებამ“, რადგან ამის მიზანი არ არის სახელმწიფო ინტერესების ან კონსტიტუციის დაცვა. „ქართულ ოცნებას“ აინტერესებს ორი რამ: გარკვეული პოლიტიკური პროცესებიდან გადაიტანონ ყურადღება. ამასთან, იმ ფონზე, რომ პრეზიდენტის ბოლოდროინდელი აქტივობა საკმაოდ კარგ შეფასებას იმსახურებს ევროკომისიის მხრიდან, „ქართული ოცნების“ მხრიდან დარტყმა პრეზიდენტზე არის ევროპულ არჩევანზე კიდევ ერთი მძიმე დარტყმა. დარბაზში ყოფნა-არყოფნაზე რაიმე გადაწყვეტილება არ მაქვს, შეიძლება ვიყო, შეიძლება არ ვიყო, მაგრამ იმპიჩმენტს მხარს არ დავუჭერ, კატეგორიული წინააღმდეგი ვარ და ეს იგივეა შეაფერხო ევროპული გზა. ამას აკეთებს ივანიშვილი,“ - განაცხადა ბაჩუკი ქარდავამ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი