სალომე სამადაშვილი - ღარიბაშვილი სამშობლოს ღალატში ძალიან ბევრ ფულს აკეთებს, ისევე, როგორც კალაძე - ფარცხალაძე არის მინი ოლიგარქი, ივანიშვილის სისტემაში ერთ-ერთი ჭანჭიკი

ღარიბაშვილი სამშობლოს ღალატში ძალიან ბევრ ფულს აკეთებს, ისევე, როგორც კახა კალაძე, - ამის შესახებ პარტია “ლელოს“ დეპუტატმა, სალომე სამადაშვილმა „პალიტრანიუსის“ გადაცემაში „პოლიტიკური სივრცე“ განაცხადა.

მისი შეფასებით, დღეს საქართველოს რუსული რეჟიმი მართავს.

„არ არის კალაძე სასარგებლო იდიოტი, უბრალოდ, ფული უყვარს და ძალიან ბევრ ფულს შოულობს სამშობლოს ღალატში. ვიღაცებში ნაკლებ ფულს დებენ. ეს არის მთლიანად გარყვნილი, კორუმპირებული რუსული სისტემა, ამიტომ არც უნდა ვისაუბროთ ჩვენ საქართველოს ხელისუფლებაზე იმიტომ, რომ ეს არ არის საქართველოს ხელისუფლება, ეს არის რუსული საოკუპაციო რეჟიმი“, - განაცხადა სამადაშვილმა.

მან აშშ-ის მხრიდან საქართველოს ყოფილი გენერალური პროკურორის ოთარ ფარცხალაძის წინააღმდეგ სანქციების დაწესება შეაფასა და აღნიშნა, რომ ეს საქართველოს ნებისმიერი მოქალაქისთვის განგაშის ზარი უნდა იყოს.

„მიმაჩნია, რომ დღევანდელი ხელისუფლება რუსეთს ემსახურება. რეალურად, რუსეთის სამსახურში დგანან და ეს რუსეთ-უკრაინის ომში ნათლად გამოჩნდა. ჩვენ დიდი ხანია ვამბობთ, რომ ეს არის ხელისუფლება, რომელიც სწორედ რუსეთის დავალებით ქმნის ინფრასტრუქტურას ჩვენს ქვეყანაში, რუსეთის მხრიდან სანქციების თავის არიდებისთვის“, - განაცხადა სამადაშვილმა.

როგორც მან აღნიშნა, "ოთარ ფარცხალაძე არის მინი ოლიგარქი".

ბიძინა ივანიშვილი არ ჩანს, მაგრამ ვინმეს სჯერა, რომ პროცესებზე არ მოქმედებს? ფარცხალაძე არის მინი ოლიგარქი. ივანიშვილის მასშტაბის არა, მაგრამ მის სისტემაში ერთ-ერთი ჭანჭიკია. როგორც აღმოჩნდა, არცთუ უმნიშვნელო ჭანჭიკი რუსულ სისტემაში, რომელიც ივანიშვილმა ჩვენს ქვეყანაში შექმნა“, - განაცხადა სამადაშვილმა.

მისივე თქმით, „ოთარ ფარცხალაძე ფაქტობრივად ჯაშუშია“.

„ამას ჰქვია გავლენის აგენტი. საუბარი იმაზე, რომ მტკიცებულება წარმოგვიდგინონ, ცოტა უცნაურია იმიტომ, რომ „ქართული ოცნება“ უკვე საკუთარი ტყუილების ლაბირინთში არის დაკარგული. ეს ხალხი გვიმტკიცებს, რომ არაჩვეულებრივი ურთიერთობა აქვს აშშ-თან, რაც ცხადია, ტყუილია. ღარიბაშვილი არის ახლა ჩასული ნიუ-იორკში, სადაც არის შეკრებილი მთელი პოლიტიკური ელიტა, მათ შორის აშშ-ს პოლიტიკური ისტებლიშმენტი. ვინ შეხვდა ღარიბაშვილს? აშშ-ის სახელმწიფო მდივნის თანაშემწის, დონეზეც კი არ შეხვდნენ. ეს არის პირაპირ იმის თქმა, რომ არ გვაინტერესებს შენი პერსონა. ამის პარალელურად, გვეუბნებიან, რომ აშშ-თან აქვთ არაჩვეულებრივი სტრატეგიული ურთიერთობები“, - განაცხადა სამადაშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი