თინა ბოკუჩავა - პრეზიდენტის ნების წინააღმდეგ ნუ მოხდება ეროვნული ბანკის საბჭოს წევრობის კანდიდატების საკითხის განხილვა - ეს კონსტიტუციისა და საერთაშორისო სანქციების რეჟიმის დარღვევაა

ფრაქცია „ნაციონალური მოძრაობის“ თავმჯდომარე თინა ბოკუჩავა მმართველი გუნდის წევრებს მოუწოდებს საქართველოს ეროვნული ბანკის საბჭოს წევრობის კანდიდატების საკითხის განხილვა გააუქმონ.

როგორც მან პლენარულ სხდომაზე აღნიშნა, პრეზიდენტის ნების წინააღმდეგ სებ-ის საბჭოს წევრობის კანდიდატების საკითხის განხილვა კონსტიტუციის დარღვევაა.

„პრეზიდენტისგან მოვისმინეთ, რომ მის მიერ საქართველოს ეროვნული ბანკის საბჭოს წევრობისთვის წარმოდგენილი ორი კანდიდატურის განხილვა არ სურს. ვხედავთ, სახელმწიფო ინსტიტუტები მოქმედებენ ერთობლივად იმისთვის, რომ მთავარმა ფინანსურმა ინსტიტუტმა პოლიტიკური გადაწყვეტილებები მიიღოს. რეალურად, როგორც თავად პრეზიდენტმაც აღნიშნა, მისთვის ბუნდოვანია ქვეყნის მთავარი ფინანსური ინსტიტუტი დღეს ერთი ადამიანის ინტერესებს ემსახურება თუ ქართველი ხალხის ინტერესებს. ჩვენთვის ცხადზე ცხადია, რომ ქვეყნის მთავარი ფინანსური ინსტიტუტი ემსახურება ერთი ადამიანის ინტერესებს, ეს არის ბიძინა ივანიშვილი, რომელიც თავგამოდებით იცავს რუს ჯაშუშს, ამერიკის შეერთებული შტატების მიერ სანქცირებულს იმიტომ, რომ თავად იცის, სანქციების შემდეგი სამიზნე არის ის. ამიტომ პრეზიდენტის ნების წინააღმდეგ ნუ მოხდება საქართველოს ეროვნული ბანკის საბჭოს წევრობის კანდიდატების საკითხის განხილვა. ეს არ არის კონსტიტუციასთან შესაბამისი, ეს არის კონსტიტუციის დარღვევა საერთაშორისო სანქციების რეჟიმის დარღვევა“, - განაცხადა თინა ბოკუჩავამ.

ბოკუჩავას განცხადებას პლენარულ სხდომაზევე უპასუხა პარლამენტის თავმჯდომარემ შალვა პაპუაშვილმა.

„რაც შეეხება თავად ამ განცხადებას გაწვევასთან თუ არ წარმოდგენასთან დაკავშირებით, ასეთი პროცედურა არ არსებობს, მათ შორის კომიტეტზეც იქნა ეს განმარტებული“, - განაცხადა პაპუაშვილმა.

ბოკუჩავას განცხადებას უმრავლესობის მხრიდან შეძახილები მოჰყვა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024