აკაკი ბობოხიძე - არჩევნებამდე პერიოდი ამზადებს არჩევნებს, ჩვენი პრეტენზია ოპოზიციურ სპექტრთან არის ის, რომ ნუ ატყუებენ ხალხს - ყბადაღებული თემაა, რომ „ქართველ ხალხს ეკუთვნის სტატუსი“ - ტყუილია! არაფერს იმსახურებ თუ მის მოსაპოვებლად არ იბრძვი

ჩვენი პრეტენზია დანარჩენ ოპოზიციურ სპექტრთან არის ის, რომ ნუ ატყუებენ ხალხს, განგაშის განცდას ნუ უმსუბუქებენ, საგანგაშო მდგომარეობაა - თუ ხელისუფლება არ შევცვალეთ, კანდიდატის სტატუსი არაფრის მომცემი იქნება, - ამის შესახებ „ევროპული საქართველოს“ გენერალურმა მდივანმა, აკაკი ბობოხიძემ „პალიტრანიუსის“ გადაცემა „დღის ნიუსრუმში“ განაცხადა.

როგორც აკაკი ბობოხიძემ განმარტა, ხელისუფლების პირობებში პრობლემებს ბოლო არ ექნება, ამიტომ იმედოვნებს, რომ 2024 წლის არჩევნებისთვის „ქართულ ოცნებას“ დააშინებენ და დაასრულებენ.

„ერთადერთი, რამაც „ქართულ ოცნება“ უნდა დააშინოს, არის 2024 წლის არჩევნები. იმედი მაქვს, დავაშინებთ და დავასრულებთ. წინააღმდეგ შემთხვევაში, პრობლემებზე საუბარი წყლის ნაყვაა. ამ ხელისუფლების პირობებში, პრობლემებს ბოლო არ ექნება, თავისი არსით ქვეყანას მიაქანებენ იქით, სადაც არ უნდა მივდიოდეთ. ეს ხელისუფლება გვაშორებს დასავლურ გარემოსთან. თუნდაც, როდესაც ომის საფრთხეზე ესაუბრებიან ხალხს. საქართველოს მოსახლეობას, რაც არ უნდა ლოგიკით ვესაუბროთ, მათ ეშინიათ და ეს ბუნებრივია. შიშის გადალახვა მხოლოდ საუბრით შეიძლება. ბევრჯერ უნდა ავუხსნათ, რომ დასავლეთს კი არ უნდა ჩვენთან ომი, რუსეთს უნდა ჩვენთან ომი, თუნდაც იმიტომ, რომ დასავლეთს დაუკეტოს სატრანზიტო მიწოდების საშუალებები. ფაქტებიც ადასტურებს, რომ მშვიდობა არის იქ, სადაც ნატო და ცივილიზებული სამყაროა, ომია იქ, სადაც რუსეთია.

არჩევნებამდე პერიოდი ამზადებს არჩევნებს. ჩვენი პრეტენზია დანარჩენ ოპოზიციურ სპექტრთან არის ის, რომ ნუ ატყუებენ ხალხს, განგაშის განცდას ნუ უმსუბუქებენ, საგანგაშო მდგომარეობაა. დამოკიდებულება და მოლოდინის შექმნა, რომ ქართველი ხალხის ცის ქვეშეთშია და რაიმეს ავტომატურად იმსახურებ, არ არის სწორი. არაფერს იმსახურებ, თუ მის მოსაპოვებლად არ იბრძვი. საკუთარ მიწასაც კი მუდმივი ბრძოლა სჭირდება, რომ შეინარჩუნო. ყველაფრის მიღწევას ბრძოლა და შრომა სჭირდება. ყბადაღებული თემაა „ქართველ ხალხს ეკუთვნის სტატუსი“ - ტყუილია! ბრძოლა სჭირდება, შრომა სჭირდება ნებისმიერი მდგომარეობის მოპოვებას. სტატუსი მჭირდება შემდეგი ამოცანის შესასრულებლად. თუ ხელისუფლება არ შევცვალეთ კანდიდატის სტატუსი არაფრის მომცემი არ იქნება“,- აღნიშნა ბობოხიძემ.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ