რომან გოცირიძე „ქართულ ოცნებას“ - ბიძინა ივანიშვილის ახირებულ თეზისზე: „ამერიკას შავ ზღვაში რა უნდა“ არის აგებული „ქართული ოცნების" პოლიტიკა - ეს ნიშნავს, რომ ამერიკა და დასავლეთი არ უნდა იყოს საქართველოში და აქ უნდა იყოს რუსეთი

ფაქტობრივად, ცივილიზებულმა ევროპამ, ამერიკის შეერთებულმა შტატებმა და დასავლეთმა, ზურგი აქცია ანაკლიის პორტის პროექტს - ანაკლია გადააქციეთ ჩინური ტვირთის გამტარად,- ამის შესახებ ოპოზიციონერმა დეპუტატმა რომან გოცირიძემ პარლამენტის პლენარულ სხდომაზე განაცხადა, სადაც ეკონომიკის მინისტრს ლევან დავითაშვილს ინტერპელაციის წესით, ანაკლიის პორტის მშენებლობის პროექტზე უსმენენ.

როგორც გოცირიძემ აღნიშნა, ანაკლიის პორტის პროექტი იყო დაცულობის ერთ-ერთი კომპონენტი.

„ეს იყო ბუფერი, ფარი, რომელშიც იქნებოდა დასავლელი და პირველ რიგში, ამერიკელი ინვესტორი. არაერთხელ გითხრათ, ამერიკის ვიცე-პრეზიდენტმა, სახელმწიფო დეპარტამენტის მდივანმა, რომ ანაკლია უნდა აშენებულიყო. მაიკ პენსის ჩამოსვლისას ორი თეზისი იყო, უნდა აშენებულიყო ამერიკელი ინვესტორების მიერ, რაშიც დასავლეთი იგულისხმებოდა და არ უნდა ყოფილიყო მასში ჩინური კომპანიები, გამომდინარე იმ პოლიტიკური საფრთხეებიდან, რასაც ჩინეთის პოლიტიკურად ღრმად შემოსვლა ჰქვია რეგიონში. არაფერი გაითვალისწინეთ თქვენ. მქონდა ინფორმაცია, რომ რამდენიმე ევროპული კომპანია აპირებდა განაცხადის შემოტანას. დარწმუნებული ვარ, საქართველოს ხელისუფლების მავნებლურმა ქმედებებმა, ანტიუკრაინულმა, ანტიდასავლურმა განცხადებებმა, ფრენების აღდგენამ, თუნდაც ე.წ. აგენტების კანონმა, ქუჩის დიდმა საპროტესტო აქციამ, რომელმაც ხელისუფლება ამხილა, ჩინეთთან ე.წ. სტრატეგიული ურთიერთობის გაფორმებამ, საბოლოოდ დაარწმუნა დასავლელი ინვესტორები, რომ საქართველოს ხელისუფლებასთან ურთიერთობის დაჭერა არ ღირს. ფაქტობრივად, ცივილიზებულმა ევროპამ, ამერიკის შეერთებულმა შტატებმა და დასავლეთმა, ზურგი აქცია ანაკლიის პროექტს. შესაძლოა, მათ შორის, იაპონიასაც გამოეთქვა ინტერესი, ასევე სხვა ქვეყნებსაც. ანაკლიის პროექტი, ფაქტობრივად, ჩინეთს ჩაუგდეთ ხელში.

ანაკლია გადააქციეთ მხოლოდ ჩინური ტვირთის გამტარად, მას დაუკარგეთ ყოველგვარი დიდი გეოპოლიტიკური კონტექსტი. „ამერიკას შავ ზღვაში რა უნდა“ კონცეფციაზე არის აგებული მთელი "ქართული ოცნების" პოლიტიკა, ბიძინა ივანიშვილის ამ ახირებულ თეზისზე, ეს იმას ნიშნავს, რომ ამერიკა და დასავლეთი არ უნდა იყოს საქართველოში, აქ უნდა იყოს რუსეთი“, - აღნიშნა გოცირიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი