პლენარულ სხდომაზე გიორგი ვაშაძის მიერ ვახტანგ გომელაურის მისამართით ნათქვამ რეპლიკებს უმრავლესობის გაღიზიანება მოჰყვა - „ქართული ოცნების“ დეპუტატების რიგებიდან ისმოდა შეძახილები, რომ „ვაშაძე გაილახება“

პარლამენტის პლენარულ სხდომაზე ოპოზიციონერი დეპუტატის, გიორგი ვაშაძის მიერ შინაგან საქმეთა მინისტრის ვახტანგ გომელაურისადმი მიმართვამ უმრავლესობის დეპუტატების გაღიზიანება გამოიწვია.

ვაშაძის მისამართით უმრავლესობის რიგებიდან ისმოდა შეძახილი, რომ ის „გაილახება“, არის „ნაბიჭვარი“, ასევე უმრავლესობის დეპუტატებმა ვაშაძის სხდომათა დარბაზიდან გაყვანაც მოითხოვეს.

პლენარულ სხდომათა დარბაზში სიტუაცია მას შემდეგ დაიძაბა, რაც ვახტანგ გომელაურმა პარლამენტის ტრიბუნიდან განაცხადა, რომ შინაგან საქმეთა სამინისტროს ყველა საჭირო ტექნიკა გააჩნია, რაც მოწინავე ქვეყნებს აქვს.

ამასთან, გომელაურმა ისაუბრა მაშველების შოვში ჩასვლის დეტალებზე.

მინისტრის განცხადებებს ვაშაძე ადგილიდან პასუხობდა, რომ თუკი შსს–ს ახალი ტექნიკა აქვს, რატომ არ ჩაიყვანეს შოვში. მან ასევე მინისტრს მიმართა, რომ სამაშველო ოპერაცია სტიქიის ადგილას არა სტიქიის დღეს, არამედ მომდევნო დღეს დაიწყო. ვაშაძის ადგილიდან გაკეთებულმა ამ რეპლიკებმა უმრავლესობის აღშფოთება გამოიწვია, თუმცა ვითარება უფრო სერიოზულ დაპირისპირებამდე არ მისულა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი