საია-მ, ბათუმში პროტესტის გამოხატვისას დაკავებული და ადმინისტრაციულ სამართალდამრღვევად ცნობილი ზურაბ ქარჩავას სახელით ადამიანის უფლებათა ევროპულ სასამართლოს მიმართა

„საქართველოს ახალგაზრდა იურისტთა ასოციაციამ" პროტესტის გამოხატვისას დაკავებული და ადმინისტრაციულ სამართალდამრღვევად ცნობილი ზურაბ ქარჩავას სახელით ადამიანის უფლებათა ევროპულ სასამართლოს მიმართა.

როგორც საია-ს თავმჯდომარე, ნონა ქურდოვანიძემ პრესკონფერენციაზე აღნიშნა, 2022 წლის 28 დეკემბერს, ბათუმში, სამოქალაქო აქტივისტი, ზურაბ ქარჩავა პოლიციამ უკანონოდ დააკავა და არ მისცა მას მშვიდობიანი პროტესტის გამოხატვის შესაძლებლობა.

მისი თქმით, ზურაბ ქარჩავა საჯარო სკოლებში მოსწავლეებისთვის უფასო კვების არარსებობის გაპროტესტებას კარვების განთავსებით ცდილობდა და მან პროტესტის უკიდურეს ფორმას, შიმშილობას მიმართა.

„პროტესტის გამოხატვის დროს, ზურაბ ქარჩავა პოლიციის განყოფილებაში გადაიყვანეს, ისინი ზემოქმედებდნენ სხვადასხვა ფორმით, რომ ზურაბ ქარჩავა დაეყოლიებინათ პროტესტის შეწყვეტაზე. როდესაც მან პროტესტის გამოხატვა დაიწყო და კარვის განთავსება ხელმეორედ დაიწყო, სამართალდამცველებმა ის ადმინისტრაციულ სამართალდარღვევათა კოდექსის 173-ე მუხლის საფუძველზე დააკავეს, რაც სამართალდამცავი ორგანოს თანამშრომლის კანონიერი განკარგულების ან მოთხოვნის დაუმორჩილებლობას გულისხმობს", - აღნიშნავენ საია-ში.

მათი განმარტებით, საქმის განხილვის დროს ვერ გაეცა პასუხი კითხვებს, თუ რატომ იყო ზურაბ ქარჩავა დაკავებული ერთი დღის განმავლობაში და რის საფუძველზე შეეზღუდა მას კონსტიტუციით გარანტირებული გამოხატვის თავისუფლება.

„ზურაბ ქარჩავას მიმართ დაირღვა კონსტიტუციით გარანტირებული უფლებები. ჩვენ ამ პირის საქმეზე ვიდავეთ როგორც პირველი ინსტანციის, ასევე სააპელაციო სასამართლოში, თუმცა ეროვნულ დონეზე შედეგს ვერ მივაღწიეთ. ამიტომ, დღის წესრიგში დადგა საქმის ადამიანის უფლებათა ევროპულ სასამართლოში გაგზავნა. ეს არის ადგილი, სადაც ჩვენ ვცდილობთ იმ სისტემური გამოწვევების შესახებ გავაგზავნოთ საჩივრები, რომელიც ქვეყანაში არის აქტუალური. ერთ-ერთი ასეთი საკითხი არის ადმინისტრაციულ სამართალდარღვევათა კანონმდებლობა, რომლის საფუძველზეც არაერთი პირი უსაფუძვლოდ დააკავეს და მათ მიმართ გამოყენებული იყო ძალიან მკაცრი სანქცია, როგორც პატიმრობა, ასევე ჯარიმა და ა.შ. ჩვენ ამ საქმით ვცდილობთ, ადამიანის უფლებათა ევროპულ სასამართლოს წარმოვუდგინოთ მტკიცებულებები ქვეყანაში ამ მიმართულებით არსებული გამოწვევების შესახებ და ამით ხელი შევუწყოთ ქვეყანაში ამ კანონმდებლობის შეცვლას და მის რეფორმას“, -განაცხადა ქურდოვანიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024