კახა კალაძე - ეროვნულ ბანკში ჩვეულებრივი საკადრო ცვლილებებია, ნორმალური პროცესია - თუ მეუბნებით, რომ საკადრო ცვლილებები არ უნდა განხორციელდეს, ვერ დაგეთანხმებით

ეროვნულ ბანკში ჩვეულებრივი საკადრო ცვლილებებია, - ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა.

კერძოდ, აღნიშნულით ის გამოეხმაურა ეროვნულ ბანკში უსაფრთხოების სამსახურის უფროსად გიორგი ფერაძის, ხოლო უსაფრთხოების საკითხებში მრჩევლის პოსტზე მალხაზ ღუღუნიშვილის დანიშვნის თაობაზე გავრცელებულ ინფორმაციას და განაცხადა, რომ „საკადრო ცვლილებები ნორმალური პროცესია და ყველგან ხდება“

„მგონი, ხედავთ, დღევანდელ რეალობას და მოცემულობას. დღეს არ გვაქვს ის ვითარება, რაც 2012 წლამდე იყო. განსხვავებული აზრის მქონე ადამიანები იდევნებოდნენ, ვერცერთ სამსახურში ვერ დაიწყებდნენ მუშაობას, თუ შენ სხვა პოლიტიკური შეხედულება გქონდა, მუშაობა კი არა, ოჯახებს უნადგურებდნენ. არ მინდა დავუბრუნდე იმ ავადსახსენებელ პერიოდს, რაც მაშინ იყო. დღეს განსხვავებული რეალობა გვაქვს, ნებისმიერ ადამიანს შეუძლია გამოთქვას დამოკიდებულება სხვადასხვა საკითხზე, თუნდაც უკმაყოფილება, ეს უნდა იყოს ჩარჩოებში. ჩვეულებრივი საკადრო ცვლილებებია. თუ მეუბნებით, რომ საკადრო ცვლილებები არ უნდა განხორციელდეს, ვერ დაგეთანხმებით. ნორმალური პროცესია, ყველგან ხდება“, - აღნიშნა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი