დიმიტრი ცქიტიშვილი - სალომე ზურაბიშვილმა საერთაშორისო და ადგილობრივი რეპუტაცია შეიქმნა, რაც საფრთხისშემცველი აღმოჩნდა „ქართული ოცნებისთვის“  და უნიჭოდ ცდილობენ, დააზიანონ

სალომე ზურაბიშვილის რეპუტაცია საერთაშორისო დონეზე აშკარად გაზრდილია - ეს აღმოჩნდა საფრთხის შემცველი „ქართული ოცნებისთვის“ და ძალიან უნიჭოდ ცდილობენ, დააზიანონ მისი რეპუტაცია , - ამის შესახებ „პროგრესული ფორუმის“ თავმჯდომარემ და „ქართული ოცნების“ ყოფილმა წევრმა, დიმიტრი ცქიტიშვილმა „პალიტრანიუსის“ გადაცემა „პოლიტიკურ სივრცეში“ განაცხადა.

დიმიტრი ცქიტიშვილის თქმით, სალომე ზურაბიშვილმა აშკარად ძალიან მნიშვნელოვანი ნაბიჯები გადადგა კრიტიკულ მომენტებში, რითაც გარკვეულწილად გარდატეხაც კი მოახდინა პროცესებში.

„„ქართულ ოცნებაში“ სალომე ზურაბიშვილი დღეს არ მოსწონთ, ალბათ, იმიტომ, რომ პოლიტტექნოლოგიურად თუ შევაფასებთ, სალომე ზურაბიშვილის რეპუტაცია საერთაშორისო დონეზე აშკარად გაზრდილია, ის საქართველოს ძალიან მაღალ დონეზე წარმოადგენს. სალომე ზურაბიშვილი ძალიან მაღალი დონის ევროპელი პოლიტიკოსის რანგში წარმოადგენს საქართველოს, რაც ძალიან კარგია. მისი რეპუტაცია მნიშვნელოვნად გაუმჯობესდა საქართველოშიც. ორი ძირითადი პარტიის, „ნაცი“, და „ქოცის“ გარდა, შუალედში ძალიან ბევრი ადამიანი და აშკარად ჩნდება სიმპათიები მის მიმართ. შიშია, რომ ვაითუ გადადგა მან ნაბიჯი პოლიტიკური საქმიანობისკენ და მაშინ ხომ დავიღუპეთ იმიტომ, რომ ყველაზე პოპულარული ლიდერი აღმოჩნდა მაღალინსტიტუციური ტრიბუნიდან, რომელსაც შეუძლია პოლიტიკაში ჩაერთოს.

არ ვიცი, რა გეგმები აქვს სალომე ზურაბიშვილს, მაგრამ ის, რომ მან საერთაშორისო და ადგილობრივი რეპუტაცია შეიქმნა, ეს აღმოჩნდა საფრთხის შემცველი „ქართული ოცნებისთვის“ და ძალიან უნიჭოდ ცდილობენ, რომ დააზიანონ მისი რეპუტაცია. სალომე ზურაბიშვილმა აშკარად ძალიან მნიშვნელოვანი ნაბიჯები გადადგა კრიტიკულ მომენტებში. შეხვედრების კუთხით, უკრაინასთან ურთიერთობაში, ევროპელ ლიდერებთან ურთიერთობაში და მე ვფიქრობ, რომ მან გარკვეულ წილად გარდატეხა მოახდინა“, - განაცხადა დიმიტრი ცქიტიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024