ცესკომ 103 საარჩევნო უბნის წინასწარი შედეგები წარადგინა, სადაც კენჭისყრა ელექტრონული ტექნოლოგიების საშუალებით ჩატარდა

ცენტრალური საარჩევნო კომისიის თავმჯდომარემ, საზოგადოებას პარლამენტის შუალედური და მერის რიგგარეშე არჩევნების წინასწარი შედეგები წარუდგინა.

კერძოდ, ცესკომ 103 უბნის შედეგები წარადგინა, სადაც კენჭისყრა ელექტრონული ტექნოლოგიით მიმდინარეობდა.

როგორც მან აღნიშნა, აპარატებიდან ამობეჭდილ წინასწარ შედეგების მიხედვით, გურჯაანში „ქართული ოცნება-დემოკრატიული საქართველოს“ მიერ წარდგენილმა კანდიდატმა, გიორგი მაჭავარიანმა 14 450 ხმა მიიღო, რაც შეეხება გორი-კასპის მეთხუთმეტე მაჟორიტარულ ოლქს, „ქართული ოცნება-დემოკრატიული საქართველოს“ მიერ წარდგენილმა კანდიდატმა 93.4% აიღო, ხოლო "სოციალური სამართლიანობისთვის“ მიერ წარდგენილმა კანდიდატმა, მამუკა ტუსკაძემ 6.59 პროცენტი.

„ გაგაცნობთ 103 საარჩევნო უბნის ხმით მთვლელი აპარატებიდან ამობეჭდილ წინასწარ შედეგებს, საიდანაც გურჯაანის შემთხვევაში, სადაც მონაწილეობდა მოქალაქეთა გაერთიანება „ქართული ოცნება-დემოკრატიული საქართველოს“ მიერ წარდგენილი კანდიდატი, გიორგი მაჭავარიანი, ამომრჩეველთა რაოდენობის მიხედვით შედეგი გახლავთ 14 450 ხმა, ხოლო საპარლამენტო შუალედური არჩევნების ნაწილში, გორი-კასპის მეთხუთმეტე მაჟორიტარულ ოლქში გვაქვს შემდეგი სურათი, საქართველოს მოქალაქეთა პოლიტიკური მოძრაობა „სოციალური სამართლიანობისთვის“ მიერ წარდგენილმა კანდიდატმა, მამუკა ტუსკაძემ მიიღო 1344 ხმა, რაც მონაწილეთა რაოდენობის 6.59%-ს შეადგენს, მოქალაქეთა გაერთიანება „ქართული ოცნება-დემოკრატიული საქართველოს“ მიერ წარდგენილმა კანდიდატმა, გიორგი სოსიაშვილმა მიიღო 19 ათას 32 ხმა, რაც გახლავთ 93.4%“,- აღნიშნა კალანდარიშვილმა.

მისივე ინფორმაციით, არჩევნებში მონაწილეობა მიიღო 43 330-მა ამომრჩეველმა მიიღო.

ამასთან, აღინიშნა, რომ მაღალი აქტივობა დაფიქსირდა გურჯაანში, სადაც საარჩევნო უბანში ამომრჩეველთა 35.24% მივიდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024