მიხეილ სარჯველაძე - თუ დავინახავ, რომ კანონპროექტი შეკრების თავისუფლებას რაიმე ფორმით გაუმართლებლად ხელყოფს ან ზღუდავს, მზად ვარ მხარი არ დავუჭირო, მაგრამ ასეთი არგუმენტაცია ოპონენტებისგან წარმოდგენილი არ ყოფილა

თუკი დავინახავ, რომ წარმოდგენილი კანონპროექტი შეკრების კონსტიტუციურ თავისუფლებას რაიმე ფორმით გაუმართლებლად ხელყოფს ან ზღუდავს, მზად ვარ მხარი არ დავუჭირო, მაგრამ ასეთი არგუმენტაცია ოპონენტთა მხრიდან წარმოდგენილი არ ყოფილა, - ეს განცხადება პარლამენტის ადამიანის უფლებათა დაცვის კომიტეტის სხდომაზე კომიტეტის თავმჯდომარემ მიხეილ სარჯველაძემ გააკეთა.

სარჯველაძის თქმით, მართლსაწინააღმდეგო და არალეგიტიმური შეკრების შეზღუდვის ლეგიტიმური მიზანი არსებობს, რაც მათ შორის თავსებადია ევროპულ სტანდარტებთან.

“ყველგან რა წამს გამოხატვის თავისუფლება, შეკრება-მანიფესტაცია არალეგიტიმური ხდება, რა საკვირველია, ხელისუფლებას აქვს კანონისმიერი უფლება და ვალდებულება სხვათა უფლებები დაიცვას. თუკი არსებობს რისკი, ამას დროულად გამკლავება სჭირდება. დღეს მოქმედი კანონით შეკრების თავისუფლება შეიძლება კონკრეტული ლეგიტიმური მიზნებითა და საფუძვლებით იყოს შეზღუდული“, - განაცხადა მიხეილ სარჯველაძემ.

პარლამენტის ადამიანის უფლებათა დაცვის კომიტეტმა “შეკრებებისა და მანიფესტაციების შესახებ“ კანონში დაგეგმილ ცვლილებებს მხარი დაუჭირა. უმრავლესობის დეპუტატებმა მხარდაჭერა ერთხმად გამოხატეს.

პარლამენტი დაჩქარებული წესით იხილავს “შეკრებებისა და მანიფესტაციების“ შესახებ კანონში ცვლილებებს, რომლითაც შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონი მკაცრდება. შემოდის ახალი ამკრძალავი ნორმები.

“ქართული ოცნების“ დეპუტატების ინიციატივით მომზადებული პროექტის გათვალისწინებით, შეკრებისა და მანიფესტაციის მონაწილეებს დროებითი კონსტრუქციების მოწყობა ეკრძალებათ თუ მისი მოწყობა: - საფრთხეს უქმნის შეკრების ან მანიფესტაციის მონაწილეებს ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; შეკრების ან მანიფესტაციის ჩატარებას არ უკავშირდება.

ამასთან, კანონის პროექტის მიხედვით, „საჯარო სივრცის იერსახის დამახინჯების თავიდან აცილების მიზნით“, შეკრების ან მანიფესტაციის მონაწილეებს დროებითი კონსტრუქციის მოწყობა იმ შემთხვევაშიც ეკრძალებათ, თუ მისი მოწყობის გარეშე შეკრების ან მანიფესტაციის ჩატარება არსებითად არ ფერხდება.

ამ ახალი ამკრძალავი ნორმების დარღვევა გამოიწვევს სამართალდარღვევის საგნის კონფისკაციას და დაჯარიმებას 500 ლარის ოდენობით ან სამართალდარღვევის საგნის კონფისკაციას და ადმინისტრაციულ პატიმრობას 15 დღემდე ვადით, ხოლო თუ დამრღვევი ორგანიზატორია - სამართალდარღვევის საგნის კონფისკაციას და დაჯარიმებას 5000 ლარის ოდენობით ან ადმინისტრაციულ პატიმრობას 15 დღემდე ვადით.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი