დავით ბერძენიშვილი - ბიძინა ივანიშვილი იძახდა, „მარგველაშვილი ჩემი შეცდომა კი არა, კურიოზიაო“, ალბათ, ახლა ამბობს, რომ სალომე ზურაბიშვილიც კურიოზია

სალომე ზურაბიშვილი სადაც უფრო ძლიერად გრძნობს თავს, იქ შეიძლება მივიდეს. თვითონ ჩათვლის, სასამართლოში უფრო მაგარია, როგორც იურისტი, თუ პარლამენტშია უფრო მაგარი, როგორც საქართველოს პრეზიდენტი, - ამის შესახებ “რესპუბლიკური პარტიის” ერთ-ერთმა ლიდერმა, დავით ბერძენიშვილმა განაცხადა.

როგორც ბერძენიშვილმა „პალიტრანიუსის“ გადაცემაში „360 გრადუსი“ აღნიშნა, მაღალი ალბათობით სალომე ზურაბიშვილი იქნება საქართველოს პრეზიდენტი მთელი 1 წლის განმავლობაში.

„არ მგონია არსებითი ხასიათის შედეგი გამოიღოს საკონსტიტუციო სასამართლოს ასეთმა თუ ისეთმა გადაწყვეტილებამ, ან სასამართლოშივე გაჩერდება პროცესი, ან პარლამენტში იქნება კენჭისყრა. ის 12-13 ხმა, რაც საჭიროა იმპიჩმენტისთვის, არ მგონია „ქართულმა ოცნებამ“ ოპოზიციიდან მოიპაროს. არ მგონია, რომ ამდენი ცრუ ოპოზიციონერი აღმოჩნდება პარლამენტში, შეიძლება ერთს ან ორს შეეშალოს, მაგრამ 12 და 13 ვერ იზამს.

სალომე ზურაბიშვილი რომ ბიძინა ივანიშვილის კი არა, ნებისმიერის მხრიდან ბოლომდე მართული ვერ იქნებოდა, ამაში მე ეჭვი არ მეპარებოდა. ისევე, როგორც გიორგი მარგველაშვილში შეცდა ბიძინა ივანიშვილი, როგორც თვითონ იძახდა „მარგველაშვილი ჩემი შეცდომა კი არა კურიოზიაო“ (უმრავლესობის სხდომაზე აქვს ნათქვამი ბიძინა ივანიშვილს) ალბათ ახლა ამბობს, რომ სალომე ზურაბიშვილიც კურიოზია. არ უნდოდა იმის აღიარება, რომ მას საკადრო შეცდომა მოსვლია და საერთოდ შეცდომა მოსვლია.

მაღალი ალბათობით სალომე ზურაბიშვილი იქნება საქართველოს პრეზიდენტი მთელი 1 წლის განმავლობაში.

სალომე ზურაბიშვილი, სადაც უფრო ძლიერად გრძნობს თავს, იქ შეიძლება მივიდეს. თვითონ ჩათვლის სასამართლოში უფრო მაგარია, როგორც იურისტი, თუ პარლამენტშია უფრო მაგარი, როგორც საქართველოს პრეზიდენტი. მოლოდინი მაქვს, რომ მის წინააღმდეგ დაწყებულ პროცესს სათავისოდ გამოიყენებს საკუთარი ავტორიტეტის ასამაღლებლად“,- განაცხადა ბერძენიშვილმა.

მისივე შეფასებით, თუკი საქართველო კანდიდატის სტატუსს მიიღებს, სალომე ზურაბიშვილი თავს იგრძნობს, რომ ამ საქმეში მისი როლი უმნიშვნელო არ იყო.

სალომე ზურაბიშვილს მოსწონს შარლ მიშელთან სიარული, მაკრონთან შეხვედრები, ლიეტუვის პრეზიდენტთან შეხვედრები. როლშია შესული და ეს ქვეყნისთვის დღეს პოზიტიურია. თუკი კანდიდატის სტატუსი მივიღეთ, სალომე ზურაბიშვილი თავს იგრძნობს, რომ ამ საქმეში თავისი როლი უმნიშვნელო არ იყო. თუკი ვერ მივიღეთ, ამაზეც ის საკუთარ სიტყვას მყარად იტყვის“,- განაცხადა ბერძენიშვილმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე