რომან გოცირიძე - მოსამართლე, რომელიც დაადასტურებს სალომე ზურაბიშვილის იმპიჩმენტს, ხელს მოაწერს ქვეყნის წინაშე ღალატს

მოსამართლე, რომელიც დაადასტურებს სალომე ზურაბიშვილის იმპიჩმენტს, ხელს მოაწერს ქვეყნის წინაშე ღალატს, - ამის შესახებ „ევროოპტიმისტების“ დეპუტატმა რომან გოცირიძემ განაცხადა.

გოცირიძე აღნიშნავს, რომ მოსამართლეები ივანიშვილის გავლენისგან უნდა გათავისუფლდნენ და ისე მიიღონ გადაწყვეტილება.

„იმპიჩმენტი უნდა გამოეცხადოს ირაკლი ღარიბაშვილს, ვინაიდან მან დაარღვია კონსტიტუცია და აუკრძალა ზურაბიშვილს საკუთარი კონსტიტუციური უფლებების შესრულება, სამეცნიერო თეორიულ საკითხებთან დაკავშირებულ კონფერენციებზე წასვლაც აუკრძალა, მაგალითად, პოლონეთში. ეს ფაქტები ადასტურებს, რომ ზურაბიშვილი იძულებული იყო განეხორციელებინა საკუთარი ხარჯებით ეს ვიზიტები, რომელიც იყო ქვეყნისთვის ევროკავშირში გაწევრიანების გზაზე. მოსამართლე, რომელიც დაადასტურებს სალომე ზურაბიშვილის იმპიჩმენტს, ხელს მოაწერს ქვეყნის წინაშე ღალატს. ჩვენ ვიცით, რომ ეს მოსამართლეები არიან პარტიულად დაკავშირებული „ქართულ ოცნებასთან“, მათ შორის ერთ-ერთი ჩემთან ერთად ამ პარლამენტში იჯდა ვიცე-სპიკერის სავარძელში. გახსოვთ, ალბათ, გამონათქვამი „იქნებ დედა შეაგინა“. შეიძლება დღესაც თქვას - „იქნებ დედა შეაგინა და ღარიბაშვილი გაბრაზდა და ამიტომ არ უშვებს“. გვახსოვს, ვინ როგორ ინიშნებოდა, მაგრამ მათ უნდა ახსოვდეთ, რომ განუსაზღვრელი ვადით არიან დანიშნულები, ვერავინ გაათავისუფლებს მათ და თავად უნდა გათავისუფლდნენ ივანიშვილის და „ქართული ოცნების“ გავლენისგან, თორემ ხელს არავინ ჩამოართმევს, ისიც გაიხსენონ, აშშ-მა როგორ დაუწესა მათ კოლეგებს სანქცია,“ - განაცხადა გოცირიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024