ირინა იმერლიშვილი - ბოლო ვადა არის 14 ოქტომბერი, როდესაც სასამართლომ პრეზიდენტის იმპიჩმენტის საკითხზე პარლამენტს დასკვნა უნდა გაუგზავნოს

საკონსტიტუციო სასამართლოს მოსამართლის, ირინა იმერლიშვილის განცხადებით, პრეზიდენტ სალომე ზურაბიშვილის საიმპიჩმენტო საკითხზე სასამართლომ პარლამენტს დასკვნა 14 ოქტომბერს უნდა გაუგზავნოს.

აღნიშნულის შესახებ მოსამართლემ ჟურნალისტებს ბათუმში, სასამართლოს სხდომის დაწყებამდე განუცხადა.

„პარლამენტმა საკონსტიტუციო სასამართლოში წარდგინება 12 სექტემბერს გაგზავნა და სასამართლომ 14 სექტემბერს დაარეგისტრირა, შესაბამისად, ბოლო ვადა არის 14 ოქტომბერი, როდესაც სასამართლომ პარლამენტს დასკვნა უნდა გაუგზავნოს. სავარაუდოდ, ეს დრო დასჭირდება, ეს მომხსენებელ მოსამართლეზეა დამოკიდებული, მაგრამ დასჭირდება ეს დრო [გადაწყვეტილებისთვის]“, - განაცხადა ირინა იმერლიშვილმა.

კითხვაზე, თუ როგორი არგუმენტები ჰქონდათ სხდომის მონაწილეებს, იმერლიშვილი განმარტავს, რომ ამაზე მოსამართლე ვერ ისაუბრებს, რადგანაც მიმდინარე პროცესია და ამის საშუალება კანონმდებლობით არ აქვთ.

გარდა ამისა, მოსამართლემ უპასუხა ჟურნალისტის კითხვას, თუ რატომ აქვს საზოგადოებას განცდა, რომ საკონსტიტუციო სასამართლოს პრეზიდენტის საიმპიჩმენტო საკითხზე გადაწყვეტილება უკვე მიღებული აქვს და ამიტომ, პროცესს ფორმალურად უყურებენ,

„ვერ გეტყვით. თუ ჩემზე ვისაუბრებთ, მე ნამდვილად გადაწყვეტილებაზე უნდა ვიფიქრო, არგუმენტებს უნდა მოვუსმინო და ვფიქრობ, რომ ჩემი კოლეგებიც მსგავსად მოიქცევიან, ამის იმედი მაქვს“, - განაცხადა ირინა იმერლიშვილმა.

ცნობისთვის, საკონსტიტუციო სასამართლოში, პრეზიდენტ სალომე ზურაბიშვილის იმპიჩმენტის თაობაზე კონსტიტუციური წარდგინების ზეპირი მოსმენით განხილვა დღეს, 11:00 საათზე განახლდება.

თავად პრეზიდენტი დღევანდელ სხდომას არ ესწრება. მის ინტერესებს სასამართლოში იურისტები თამარ ჩუგოშვილი და მაია კოპალეიშვილი იცავენ.

წარდგინების ავტორების სახით სხდომას ესწრებიან „ქართული ოცნების“ თავმჯდომარე ირაკლი კობახიძე და მმართველი პარტიის სხვა წევრები: ანრი ოხანაშვილი, გიორგი კახიანი და თენგიზ შარმანაშვილი.

მმართველი გუნდის მიერ ზურაბიშვილის წინააღმდეგ იმპიჩმენტის პროცესის დაწყების საფუძველი პრეზიდენტის მიერ განხორციელებული ის საგარეო ვიზიტები გახდა, რაზეც მთავრობამ სალომე ზურაბიშვილს თანხმობა არ მისცა. პრეზიდენტის თანამდებობიდან იმპიჩმენტის წესით გადაყენების საკითხი 1-ელ სექტემბერს, პარტია „ქართული ოცნების“ პოლიტსაბჭოს სხდომაზე გადაწყდა. საკონსტიტუციო სასამართლოს დასკვნის მოსამზადებლად ერთთვიანი ვადა აქვს. სასამართლოს მიერ დადებითი დასკვნის შემთხვევაში, პრეზიდენტის გადასაყენებლად 100 დეპუტატის ხმა არის საჭირო, რაც „ქართული ოცნების“ უმრავლესობას არ გააჩნია.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი