ირაკლი კობახიძე - წარმოიდგინეთ, მუსიკაში ერკვეოდეთ და უსმენდეთ კაკაფონიას 7-8 საათის განმავლობაში, ასეთი მძიმე შეგრძნებაა, გაუგონარია, რასაც პრეზიდენტის წარმომადგენლებისგან ვისმენთ - სრული ნონსენსია, უბრალოდ თავის მოჭრაა

წარმოიდგინეთ მუსიკაში ერკვეოდეთ და უსმენდეთ „კაკაფონიას" დაახლოებით 7-8 საათის განმავლობაში, ასეთი მძიმე შეგრძნებაა. უბრალოდ გაუგონარი რამეა, რასაც ვისმენთ ჩვენ პრეზიდენტის წარმომადგენლების მხრიდან , - ამის შესახებ „ქართული ოცნების” თავმჯდომარე ირაკლი კობახიძემ საკონსტიტუციო სასამართლოს სხდომის შემდეგ განაცხადა, სადაც სადაც პრეზიდენტის იმპიჩმენტის წარდგინების განხილვა მიმდინარეობდა.

ირაკლი კობახიძის თქმით, პრეზიდენტის წარმომადგენლები ისეთ არაკომპეტენტურობას ავლენენ, რომ ეს მათი მიკერძოებითაც კი ვერ გამართლდება.

„ძალიან მძიმე მოსასმენია. აქ სისუსტეზეც კი არ არის საუბარი. ასეთი რამ შეიძლება დააბრალო პოლიტიკურ მიკერძოებას, რაღაც ინტერესებს, მაგრამ რაღაც ელემენტარული კომპეტენცია თუ გაქვს, ასეთ რაღაცებს უბრალოდ ვერ ილაპარაკებ. უბრალოდ გაუგონარია, რასაც ისინი ლაპარაკობენ.

სრული ნონსენსია, სტუდენტები უყურებდნენ ამ ყველაფერს და უბრალოდ თავის მოჭრაა, როდესაც სტუდენტები ხედავენ, რომ ასეთი ზრდასრული ადამიანები, იურისტები ასეთ რაღაცებს ლაპარაკობენ ასეთ მარტივ თემასთან დაკავშირებით საკონსტიტუციო სასამართლოში. ეს არის შემაშფოთებელი და გამაოგნებელი. მაგალითად, სხვადასხვა რამე რომ გგონია „წარმოადგენს“ და „ახორციელებს წარმომადგენლობით უფლებამოსილებებს“ ეს არის სირცხვილი. როცა ვერ არჩევენ ერთმანეთისგან სტატუსს და უფლებამოსილებას, ეს არის სირცხვილი. იურიდიული თემაც არაა, ეს არის უნარების უმარტივესი ტესტის თემა. არაკეთილსინდისიერებაა მაინც მთავარი პრობლემა და არა არაკომპეტენტურობა იმიტომ, რომ ასეთი არაკომპეტენტურობა უბრალოდ წარმოუდგენელია და გაუგებარი. გვესმის მათი პოლიტიკური მიკერძოება, ორივე მათგანი არის პოლიტიკურად მიკერძოებული, ისინი არიან მხარის წარმომადგენელი, თუმცა მაინც ვერ გამართლდება გაუგონარი არაკომპეტენტურობა, რასაც ისინი ავლენენ მთელი პროცესის განმავლობაში“, - განაცხადა ირაკლი კობახიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი