ოთარ ზურაბიშვილი - საინტერესო სცენარი იდგმება, რეჟისორი არის ირაკლი კობახიძე, „ფარდის უკან“ კი ბიძინა ივანიშვილი

დღეს საინტერესო სცენარი იდგმება ორ ეკრანზე, ამის რეჟისორი არის ირაკლი კობახიძე , - ამის შესახებ საქართველოს პრეზიდენტის ძამამ, ოთარ ზურაბიშვილმა „პლიტრანიუსის“ გადაცემა „360 გრადუსში“ განაცხადა, რითაც საკონსტიტუციო სასამართლოში პრეზიდენტ სალომე ზურაბიშვილის საიმპიჩმენტო წარდგინების განხილვას და იმპიჩმენტთან დაკავშირებულ პროცესებს გამოეხმაურა.

როგორც ზურაბიშვილი აცხადებს, „ფარდის უკან“ ბიძინა ივანიშვილი დგას.

„ინგლისელები ამბობენ: Behind the curtain – „ფარდის უკან“ , თქვენც კარგად იცით და მეც კარგად ვიცი, ვინ დგას“, - განაცხადა ოთარ ზურაბიშვილმა და წამყვანის დამაზუსტებელ კითხვაზე, ბიძინა ივანიშვილი? - ზურაბიშვილმა უპასუხა: „ალბათ, ბიძინა ივანიშვილი“.

ოთარ ზურაბიშვილის განცხადებით, სცენარი დღეს „ორ ეკრანზე“ არის მიმართული და განმარტა, რას გულისხმობს აღნიშნულში.

„ეს სცენარი არის ორ ეკრანზე: ერთი შიდა ეკრანი, რომ მოსახლეობის ყურადღება მიიპყროს და თქვას, რომ საქართველოში არაფერი არ ხდება. არ არის გარდამტეხი და სერიოზული თარიღები. არაფერი არ ხდება და მთავარი საკითხი არის პრეზიდენტის იმპიჩმენტი. აქეთ იყურეთ და სხვაგან არ გაიხედოთ: ჩვენ რას ვამზადებთ ან არ ვამზადებთ, ჩვენ მივიჩოჩებთ რუსეთისკენ თუ არ მივიჩოჩებთ. ეს არის პირველი ეკრანი“, - განაცხადა ზურაბიშვილმა.

მან ისაუბრა საქართველოს იმიჯზე საერთაშორისო კონტექსტშიც და აღნიშნა, რომ საერთაშორისო კუთხით ქვეყნის იმიჯი ძალიან დაზიანებულია.

„მეორე ეკრანია, საერთაშორისო ეკრანი, სადაც საქართველოს იმიჯი ძალიან დაზიანებულია. როცა ევროპის მთავრობებში გადაწყვეტილებაა მისაღები კანდიდატის სტატუსზე, ხელისუფლება აჩვენებს, რომ ვინც არის ევროპის მთავარი მომხრე, რომელმაც ძალიან კარგად და ნათლად აჩვენა, რა ნაბიჯები გადადგა ევროპისკენ, რომელიც ნამდვილი დიპლომატია და რომელსაც მარტო განათლება კი არა კონტაქტები აქვს, მომზადებულია, არის შეზღუდული და აბრალებენ იმას, რაც მისი მთავარი მოვალეობაა“, - განაცხადა ოთარ ზურაბიშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი