ირაკლი კობახიძის განცხადებით, პრეზიდენტობის გეგმა თავად არ აქვს, ხოლო კითხვაზე, ხომ არ იქნება კანდიდატი ბიძინა ივანიშვილი, ამბობს, რომ „ასეთი სპეკულაციები ძალიან ნაადრევია“

„ქართული ოცნების“ თავმჯდომარის, ირაკლი კობახიძის განცხადებით, პრეზიდენტობის კანდიდატობასთან დაკავშირებით თავად გეგმა არ აქვს, ხოლო კითხვაზე, ხომ არ იქნება კანდიდატი ბიძინა ივანიშვილი, ამბობს, რომ „ასეთი სპეკულაციები ძალიან ნაადრევია“.

როგორც კობახიძემ ჟურნალისტებთან განაცხადა, მას ასეთი გეგმა იმიტომ არ აქვს, რომ პრეზიდენტი პოლიტიკური პროცესებიდან არსებითად დისტანცირებულია.

„ჯერ ერთი მე ასეთი გეგმები არ მაქვს, გამომდინარე იქიდან, რომ პრეზიდენტი არის არსებითად დისტანცირებული პოლიტიკური პროცესებიდან. პრეზიდენტი არ არის კონსტიტუციის თანახმად, პოლიტიკურ პროცესებში ჩართული“, - განაცხადა კობახიძემ.

ამასთან, ირაკლი კობახიძემ განმარტა, როგორია პრეზიდენტის იმპიჩმენტის შემთხვევაში ახალი პრეზიდენტის არჩევის პროცედურა.

სალომე ზურაბიშვილმა სწორედ რადიკალური ოპოზიციის იმედით დაარღვია კონსტიტუცია. მას აქვს რწმენა, რომ საკონსტიტუციო სასამართლომ რა გადაწყვეტილებაც არ უნდა გამოიტანოს, რადიკალური ოპოზიცია მაინც არ დაუჭერს მხარს მის იმპიჩმენტს, შესაბამისად, ასეთ პირობებში იმპიჩმენტი ვერ განხორციელდება. დაველოდოთ, აღარაფერია დარჩენილი, შეიძლება 10 დღეში ჩატარდეს ეს პროცედურა და მერე შეგვიძლია განვავითაროთ სპეკულაციები ამ თემაზე.

თუ იმპიჩმენტი განხორციელდა მაგალითად ორ კვირაში, დაახლოებით თვე ნახევარში დასრულდება ახალი პრეზიდენტის არჩევის პროცედურა ახალი წესით. რაც შეეხება სტანდარტულ წესს, როდესაც ნაადრევად არ წყვეტს საკუთარ უფლებამოსილებას, ახალი პარლამენტი არჩევს, მაგრამ თუ განხორციელდა იმპიჩმენტი, მოქმედი პარლამენტი ახალი წესით აირჩევს პრეზიდენტს. 300-კაციანი კოლეგია აირჩევს, იმპიჩმენტის ან გადადგომის შემთხვევაში ამ მოწვევის პარლამენტის პირობებში. სტანდარტულად თუ განვითარდა პროცესები, უკვე ახალი მოწვევის პარლამენტი“,- განაცხადა კობახიძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი