ხატია დეკანოიძე - იმედი მაქვს ნიკა მელია მნიშვნელოვან როლს შეასრულებს ბიძინა ივანიშვილის წინააღმდეგ - 2024 წელს ხელისუფლება სახლში უნდა გავისტუმროთ, წინააღმდეგ შემთხვევაში საქართველოს მძიმე მომავალი დაუდგება

ნიკა ასრულებდა და ძალიან დიდი იმედი მაქვს, რომ ძალიან მნიშვნელოვან როლს შეასრულებს ბიძინა ივანიშვილის წინააღმდეგ, - ამის შესახებ “ნაციონალური მოძრაობის” ყოფილმა წევრმა, ხატია დეკანოიძემ ჟურნალისტებს სასტუმრო “ბილტმორში” განუცხადა, სადაც პარტიის ყოფილი თავმჯდომარე, ნიკა მელია თანამოაზრეებთან ერთად შეხვედრას მართავს.

მისი თქმით, დღევანდელ შეხვედრაზე ნიკა მელიას თხოვნით მივიდა, სადაც ყოფილი თანაგუნდელების მოსაზრებებს მოისმენს.

„მე აქ მოვედი ნიკას და ჩემი მეგობრების თხოვნით. იცით, რომ ეს ადამიანები დიდი ხანი ჩემი თანამებრძოლები იყვნენ. ერთად ვიბრძოლოთ ამ ხელისუფლების წინააღმდეგ იმედი მაქვს, რომ ერთად გავაგრძელებთ ბევრ ადამიანთან ბრძოლას. ნიკასთან მქონდა საუბარი, ასევე ძალიან ბევრ ჩემ მეგობართან, რომელიც დღეს აქ იქნება და ძალიან მაინტერესებს მათი მოსაზრებები, როგორია მათი დამოკიდებულება. ამ ბრძოლაში ყველა ადამიანის მოსაზრებას და პოზიციას დიდი მნიშვნელობა აქვს. ნიკა ასრულებდა და ძალიან დიდი იმედი მაქვს, რომ ძალიან მნიშვნელოვან როლს შეასრულებს ბიძინა ივანიშვილის წინააღმდეგ. ჩვენ 2024 წელს უმნიშვნელოვანესი ამოცანა გვაქვს და ეს არის ის, რომ გონივრულად ვიმოქმედოთ, რათა ეს ხელისუფლება მართლაც დავამარცხოთ და სახლში გავისტუმროთ. სხვანაირად საქართველოს ძალიან მძიმე მოცემულობა და მომავალი დაუდგება”, - განაცხადა ხატია დეკანოიძემ.

მისივე თქმით, “ნაციონალურ მოძრაობაში” ვერ ხედავს ერთიანობის იმედს და მომავალს, რადგანაც ის პრობლემები, რის გამოც პარტია დატოვა, პარტიაში კვლავ სახეზეა და განსაკუთრებული არაფერი შეცვლილა.

„მე ვერ გეტყვით, როდის მიიღებს ნიკა იმ გადაწყვეტილებას, რომელიც შეიძლება მიიღოს, ან არ შეიძლება მიიღოს. ჩვენი პოზიციები პარტიაში ერთმანეთს ემთხვეოდა“, - განაცხადა დეკანოიძემ და აღნიშნა, რომ თავად მელიას გადასაწყვეტია, რა სივრცეში იმოქმედებს ის.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024