დავით კირკიტაძე - საქართველოს ხელისუფლება ყოველწლიურად 22-23 მილიარდ ლარს ხარჯავს ამ ქვეყანაში და საქართველოს მოქალაქეს არაფერი ეტყობა - არცერთი პრობლემა ძირეულად არ მოგვარებულა

საქართველოს ხელისუფლება ყოველწლიურად 22-23 მილიარდ ლარს ხარჯავს ამ ქვეყანაში და საქართველოს მოქალაქეს არაფერი ეტყობა. არცერთი პრობლემა ძირეულად არ მოგვარებულა, ამასთან, ყოველწლიურად იზრდება იმ ადამიანების რიცხვი, რომლებიც სახელმწიფოსგან სოციალურ შემწეობას ითხოვენ, - ამის შესახებ „ერთიანი ნაციონალური მოძრაობის“ დეპუტატმა, დავით კირკიტაძემ განაცხადა.

როგორც ის განმარტავს, ჩვენი ქვეყნის ბიუჯეტის მთავარი პრობლემაა ხარჯვითი ნაწილი.

„წლებია იზრდება საქართველოს მოქალაქეების რაოდენობა, რომლებიც ამ ქვეყანას ტოვებენ. ეს ნიშნავს, რომ 23 მილიარდი არ იხარჯება ეფექტურად, ეფექტურად კი არა, ეს პირდაპირ ნიშნავს იმას, რომ 23 მილიარდი იხარჯება კორუფციულად, ის ხმარდება „ქართული ოცნების“ მაღალჩინოსნების და აქტივისტების შენახვას.

წლებია, საქართველოში არცერთი გადასახადი არ შემცირებულა, პირიქით, ყოველწლიურად იზრდება ჯარიმები. ჩვენი ჯიბიდან ამოღებული ფულით მდიდრდებიან ჩინოვნიკები, საქართველოს მოქალაქე რჩება მნიშვნელოვანი პრობლემის მოგვარების გარეშე.

როგორც გასული წლის ბიუჯეტში, ასევე ამ წლის ბიუჯეტში არ არის ასახული საზოგადოების არცერთი ფენის ინტერესი. კარგად ვიცით, რომ ბავშვები სკოლაში მიდიან მშივრები, ან ნახევრად მშივრები. დიდ პრობლემასთან გვაქვს ადგილი ამ მიმართულებით. იცით, რომ პენსიონერებს ახრჩობს „ლიბერთი ბანკის“ და ხელისუფლების ერთობლივი მოქმედება და დიდი საპენსიო ვალები. იცით, რომ ჩვენი შუა ხნის ადამიანები მასიურად ტოვებენ ქვეყანას.

უდიდესი პრობლემები უდგათ ჩვენს სტუდენტებს. დიდი რუსული ექსპანსიის შემდეგ, არნახულად გაუძვირდათ ჩვენს სტუდენტებს ცხოვრება, ბინის ქირა, ამ მიმართულებითაც საქართველოს ხელისუფლება არცერთ ნაბიჯს არ დგამს.

პრობლემები არ გვარდება, პრობლემები ყოველწლიურად იზრდება“,- განაცხადა დავით კირკიტაძემ, რომლის კომენტარსაც პარტიის პრესსამსახური ავრცელებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია