„ნაციონალური მოძრაობა“ - თინა ბოკუჩავამ შავი ზღვის უსაფრთხოების შესახებ ნატო-ს საპარლამენტო ასამბლეის რეზოლუციაში შესწორება დააყენა, რასაც ასამბლეამ მხარი ერთხმად დაუჭირა

ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ შავი ზღვის უსაფრთხოების შესახებ ნატო-ს საპარლამენტო ასამბლეის რეზოლუციაში შესწორება დააყენა, რასაც ასამბლეამ მხარი ერთხმად დაუჭირა. ინფორმაციას „ერთიანი ნაციონალური მოძრაობა“ ავრცელებს.

პარტიის ცნობით, ბოკუჩავამ შესწორება რეზოლუციაში ამერიკის შეერთებული შტატების, გაერთიანებული სამეფოს და უკრაინის დელეგაციების თანა-წარდგინებით, რუსეთის მიერ ოჩამჩირეში, ოკუპირებულ აფხაზეთში საზღვაო ბაზის შექმნასთან დაკავშირებით დააყენა. შესწორების ტექსტი კი ასეთია: "ვგმობთ რუსეთის გაცხადებულ განზრახვას, ააშენოს საზღვაო ბაზა ოჩამჩირეში, საქართველოს ტერიტორიაზე, რომელიც უკანონოდ ოკუპირებულია რუსეთის მიერ, რაც შავი ზღვის რეგიონის დესტაბილიზაციის დამატებით საფრთხეს ქმნის". ნატო-ს საპარლამენტო ასამბლეამ შესწორებას მხარი ერთხმად დაუჭირა.

ცნობისთვის, ფრაქცია „ერთიანი ნაციონალური მოძრაობის“ თავმჯდომარე თინა ბოკუჩავა ნატო-ს საპარლამენტო ასამბლეის წლიურ სესიაში მონაწილეობს, რომელიც 7-9 ოქტომბერს, დანიის დედაქალაქ კოპენჰაგენში იმართება.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო