პარლამენტის რეგლამენტში დაგეგმილი ცვლილებებით ისეთი შემთხვევის გათვალისწინება ხდება, როცა ახალარჩეული პარლამენტის სხდომას პრეზიდენტი არ ესწრება და პარლამენტის პირველ შეკრებას პრეზიდენტი არ ხსნის.
რეგლამენტის თანახმად, ახალარჩეული პარლამენტის პირველ სხდომას პრეზიდენტი ხსნის და სიტყვას სხდომაზე დამსწრე პარლამენტის უხუცეს წევრს აძლევს.
რეგლამენტში დაგეგმილი ცვლილებების ფარგლებში, შესაბამის მუხლზე ხდება დამატება იმისა, რომ ახალარჩეული პარლამენტის პირველ სხდომაზე პრეზიდენტის არყოფნის შემთხვევაში, სხდომას უხუცესი დეპუტატი გახსნის.
პარლამენტის რეგლამენტში ცვლილებების პროექტი, რომელიც “ქართული ოცნების“ დეპუტატებმა მოამზადეს, პარლამენტში ინიცირებულია.