ცესკოს თავმჯდომარე - საინფორმაციო კამპანიის ფარგლებში ყველა ინსტიტუციაში მივიტანთ ინოვაციურ ტექნოლოგიურ საშუალებებს, რომ უზრუნველვყოთ ამომრჩეველთა მაქსიმალური ინფორმირება, რათა საზოგადოება 2024 წლის არჩევნებისთვის მზად იყოს

საინფორმაციო კამპანია გაგრძელდება და ყველა ინსტიტუციაში მივალთ, მივიტანთ ამ ინოვაციურ ტექნოლოგიურ საშუალებებს, რომ უზრუნველვყოთ ამომრჩეველთა მაქსიმალური ინფორმირება, რათა საზოგადოება 2024 წლის ოქტომბერში გასამართი მორიგი საპარლამენტო არჩევნებისთვის მზად იყოს, - ამის შესახებ ცენტრალური საარჩევნო კომისიის თავმჯდომარემ, გიორგი კალანდარიშვილმა ჟურნალისტებთან საუბრისას განაცხადა.

მისივე თქმით, ელექტრონული ტექნოლოგიების გამოყენებით ხმის მიცემის პროცესის პრეზენტაცია, პარლამენტის შემდეგ, საკრებულოში იმართება და აღნიშნული საინფორმაციო კამპანია ინტენსიურ რეჟიმში გაგრძელდება.

"ეს ტექნოლოგიები, რა თქმა უნდა, ემსახურება ერთი მხრივ, პროცედურების გამარტივებას, ადამიანური შეცდომების მინიმუმამდე დაყვანას, უსაფრთხოების და სანდოობის მაღალი მაჩვენებლის უზრუნველყოფას, წინასწარი შედეგების მოკლე დროში გამოცხადებას და რა თქმა უნდა, შედეგებთან მიმართებაში სანდოობასა და სიზუსტეს. შესაბამისად, ტექნოლოგიური ინტერვენცია საჭიროებს საზოგადოებაში ცნობიერების ამაღლებას, ჩართული მხარეების მომზადებასა და განათლებას ამ საკითხებთან დაკავშირებით, რაც თავის მხრივ, ხელს შეუწყობს 2024 წლის არჩევნების მაღალპროფესიულ დონეზე, საერთაშორისო სტანდარტების შესაბამისად ჩატარებას," - განაცხადა კალანდარიშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო