მიხეილ სარჯველაძე - არ მგონია, რომ ხელი უნდა ვახლოთ სასამართლო ხელისუფლების დამოუკიდებლობის საკითხს

რეკომენდაცია ზოგადია, გვეუბნებიან, რომ რევიზია მოხდეს იუსტიციის საბჭოს ფუნქციების. ამ თვალსაზრისით, ვფიქრობ, რაც ჩვენი ქვეყნის კონსტიტუციაში წერია, არის აბსოლუტური ჭეშმარიტება, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.

ამასთან, სარჯველაძე მიიჩნევს, რომ ნახევრად სავსე ჭიქის პრინციპით, შეიძლება ყურადღება გამახვილდეს იმაზე, რომ რეკომენდაციების ნაწილი შესრულებულია.

„სხვათა შორის, ამ სათაურით გავრცელდა ინფორმაცია, რომ ვენეციის კომისია ნაწილს არ მიიჩნევს შესრულებულადო. მოდი, დიდი ხანი რომ არ დავკარგოთ იმის თვლაზე, მეტი შესრულებულია, თუ ნაკლები, შეიძლება ჭიქის სავსეობის მსგავსად ვთქვათ და ნაწილი რომ შესრულებულია, ამაზეც ყურადღება გავამახვილოთ. თუკი შინაარსობრივად გავეცნობით დასკვნას, მე ვფიქრობ, არც თუ უმნიშვნელო ნაწილებია, რომელთან დაკავშირებით, პოზიცია ერთმნიშვნელოვანია და თვლიან, რომ არის შესრულებული რეკომენდაციები და თვლიან, რომ გაუმჯობესებაა კანონმდებლობაში ამ თვალსაზრისით. ეს უნდა ახარებდეს ამ ქვეყნის ყველა გულშემატკივარს. საკითხებზე, რომელზეც შეიძლება არსებობს კრიტიკული მოსაზრებები, ვერ ვიტყოდი, რომ ჩამოყალიბებულად კრიტიკული მოსაზრებებია და ამის მიზეზი მაქვს, თვითონ დასკვნის შინაარსი იძლევა ამის შესაძლებლობას. საუბარია იუსტიციის საბჭოს სიღრმისეულ რეფორმაზე და ამ კონტექსტში იმაზე, რომ აუცილებელი იქნება გადააზრება იუსტიციის საბჭოს ფუნქციებისა. მე პირადად მგონია, რომ იუსტიციის საბჭოს ფუნქციები განსაზღვრულია საქართველოს კონსტიტუციით და ორი უმთავრესი რამ არის განსაზღვრული, ესაა სასამართლო ხელისუფლების დამოუკიდებლობის უზრუნველყოფა და მეორე, რაც ასევე უმნიშვნელოვანესია, ესაა მოსამართლეთა დანიშვნა და გათავისუფლება. ამ ორი ფუნქციის გადააზრება რამდენად აუცილებელია ამაზე პასუხს იძლევა სამუშაო ჯგუფებში გამართული დისკუსია. მე არ მგონია, საქართველოში არსებობდეს ჩამოყალიბებული, მწიფე აზრი იმასთან დაკავშირებით, რომ მოსამართლეთა გათავისუფლებას და დანიშვნას იუსტიციის საბჭოს და მოსამართლეთა თვითმმართველობის გარდა, სხვა ვინმე უნდა ახორციელებდეს. არ მგონია ასევე, რომ ხელი უნდა ვახლოთ, სასამართლო ხელისუფლების დამოუკიდებლობის საკითხს. ამ თემების რევიზირების პროცესში არ შემხვედრია განსხვავებული აზრი, ამიტომ ვინც ახლა ოპოზიციიდან განსხვავებულად საუბრობს, დაე, თქვან, რა შეიძლება შეიცვალოს ამ თვალსაზრისით, რომელი ფუნქცია შეიძლება გამოაკლდეს იუსტიციის საბჭოს კონსტიტუციური ფუნქციებიდან ან რომელი შეიძლება დაემატოს. როცა ზოგადი შთაბეჭდილება, შეხედულება და სურვილია, რომ რაღაც გავაუმჯობესოთ, მოგვიანებით, რა თქმა უნდა, კონკრეტულ ნაბიჯებსა და შეთავაზებებზე უნდა გვქონდეს საუბარი,“ - განაცხადა სარჯველაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის