ნანა ტოხვაძე - განათლების მინისტრმა იკადრა ის, რაც კომუნისტურ პარტიასაც არ უკადრია, მას სკოლებში არ წარუდგენია დირექტორობის ერთ კანდიდატზე მეტი

პატივცემულ მინისტრს, მისი ბოლოდროინდელი გადაწყვეტილებების და დამსახურების შესაბამისად, სიმბოლური საჩუქარი მოვართვით, მან იკადრა ის, რაც კომუნისტურ პარტიასაც არ უკადრია, - ამის შესახებ „სტრატეგია აღმაშენებლის“ პოლიტიკური საბჭოს წევრმა და განათლების მიმართულების ხელმძღვანელმა, ნანა ტოხვაძემ განაცხადა, რომელიც განათლების სამინისტროსთან, სიმბოლურად, საბჭოთა სიმბოლიკით მივიდა.

როგორც ტოხვაძე აღნიშნავს, განათლების მინისტრმა საჯარო სკოლებში მხოლოდ ერთი, პოლიტიკურად სასურველი დირექტორობის კანდიდატები დატოვა, დანარჩენი კი პროცესების მიღმა დატოვა.

მისივე თქმით, საჭიროა მინისტრისა და დირექტორობის კანდიდატების შეხვედრა და მან ამ მოთხოვნით, განათლების სამინისტროში წერილი ჩააბარა.

„პატივცემულ მინისტრს მისი ბოლოდროინდელი გადაწყვეტილებების და დამსახურების შესაბამისად, სიმბოლური საჩუქარი მოვართვით. მან იკადრა ის, რაც კომუნისტურ პარტიასაც არ უკადრია. პრაქტიკულად გააუქმა კანონით დადგენილი დირექტორთა არჩევის წესი და იმ სკოლებშიც კი, სადაც ორი და მეტი კანდიდატი იყო ასარჩევი, მას ერთ კანდიდატზე მეტი არ წარუდგენია. პრაქტიკულად, მან შეძლო, რომ არჩევნების მიღმა დაეტოვებინა არასასურველი კანდიდატები და პოლიტიკური ლოიალობის ნიშნის გათვალისწინებით, სამეურვეო საბჭოებს მხოლოდ თითო კანდიდატი წარუდგინა. ახლა გამოდის და სტატისტიკით ჟონგლიორობს თითქოს, ასეთი რამ არ მომხდარა.

მე მინდა დავტოვო წერილი და კიდევ ერთხელ შევახსენო, რომ ის დირექტორობის კანდიდატები, რომლებიც მოლოდინში იყვნენ, რომ დირექტორები კონკურენციის, სამართლიანობის პირობებში გახდებოდნენ, მასთან შეხვედრას მოითხოვენ და აუცილებელია ეს შეცდომა გამოსწორდეს, რომელიც კატასტროფულ შედეგამდე მიგვიყვანს“, - განაცხადა ტოხვაძემ.

ინფორმაციას „სტრატეგია აღმაშენებელი“ ავრცელებს.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი