ირაკლი ღარიბაშვილის განცხადებით, დღეს ქვეყანაში 30 სახელმწიფო და 45 პროფესიული კოლეჯი ფუნქციონირებს

პრემიერ-მინისტრის ირაკლი ღარიბაშვილის განცხადებით, დღეს ქვეყანაში 30 სახელმწიფო და 45 პროფესიული კოლეჯი ფუნქციონირებს.

როგორც მან პროფესიული განათლების განვითარების ახალი ხედვის პრეზენტაციისას აღნიშნა, 10 წლის განმავლობაში, პროფესიული განათლების განვითარებისთვის ბიუჯეტიდან 200 მლნ ლარი გამოიყო.

„ჩვენ გვქონდა არაერთი განხილვა ეკონომიკური საბჭოს ფორმატში თუ როგორ უნდა განვავითაროთ კიდევ უფრო მეტად პროფესიული განათლება. განათლების რეფორმის ჩვენი მთავარი ამოცანაა ხარისხიანი განათლება და ხარისხიანი განათლების უზრუნველყოფა განათლების სისტემის ყველა საფეხურის, ყველა დონეზე. ჩვენ განათლების სფეროში მასშტაბური ინვესტიციების განხორციელება დავიწყეთ. მილიარდი ლარი გამოვყავით ბაგა-ბაღების მშენებლობა- რეაბილიტაციისთვის, ასევე, მილიარდი ლარი გამოვყავით საშუალო სკოლების განვითარებაზე, რეაბილიტაციასა და მშენებლობაზე. ეს პროცესი დაწყებულია, დაახლოებით 400 სკოლის პროექტის კონტრაქტები გაფორმებულია და მშენებლობა არის დაწყებული. რაც შეეხება პროფესიულ განათლებას, 2012 წლიდან მოყოლებული ჩვენ გავაოთხმაგეთ პროფესიული განათლების ბიუჯეტი. დღეის მდგომარეობით, 30 საჯარო, სახელმწიფო პროფესიული კოლეჯია შექმნილი. 40-მდე ლოკაცია არის გამოყოფილი, 45 კერძო კოლეჯი ფუნქციონირებს დღეს ქვეყანაში და წელს რეკორდული, 95 მლნ ლარი იყო პროფესიული განათლებას ბიუჯეტი. ჯამში, 10 წლის განმავლობაში, 200 მლნ ლარი დავხარჯეთ პროფესიული განათლების განვითარებაში“, - განაცხადა ღარიბაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის