გიგა ბოკერია - ორბანს ჩვენთვის მნიშვნელოვან საკითხებზე ჩვენი საწინააღმდეგო პოზიცია აქვს და ივანიშვილის რეჟიმის მასთან სიახლოვე ნიშანდობლივია

ორბანს ჩვენთვის მნიშვნელოვან საკითხებზე ჩვენი საწინააღმდეგო პოზიცია აქვს და ივანიშვილის რეჟიმის მასთან სიახლოვე ნიშანდობლივია , - ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც საქართველოში უნგრეთის პრემიერ-მინისტრის, ვიქტორ ორბანის ვიზიტს გამოეხმაურა.

როგორც ბოკერიამ აღნიშნა, „ნიშანდობლივია, რომ ევროპულ სივრცეში ისინი, ვინც ივანიშვილის რეჟიმის მიმართ ღია სიმპათიებს გამოხატავენ და ყველა შემთხვევაში, მისთვის კანდიდატის სტატუსის მიცემას ითხოვენ, მხოლოდ ირლანდიის პარლამენტში მყოფი პუტინისტები და ორბანი არიან“.

„ამ პოზიციაზე არიან ირლანდიის პარლამენტში მყოფი მემარცხენე ექსტრემისტი პუტინისტები, რომლებიც ანტიდასავლური, უკრაინის საწინააღმდეგო პოზიციით გამოირჩევიან და ორბანი, რომელიც ბოლო წლებში, ასევე, პუტინის რუსეთთან დაახლოებული პოზიციებით გამოირჩევა, მათ შორის, ნატოს გაფართოებაზე.

სამწუხაროდ, მას ჩვენთვის მნიშვნელოვან საკითხებზე ჩვენი საწინააღმდეგო პოზიცია აქვს და ასეთი ხალხი საქმეს რომ იჭერს ამ რეჟიმთან, ეგეც ნიშანდობლივია. მეორე, ასევე, მნიშვნელოვანი ამბავია, თუნდაც ასეთ ხალხთან შეხვედრისას, რა არის ამ რეჟიმის გზავნილი, იმის ნაცვლად, რომ ასეთ შეხვედრას ნატოში გაწევრიანების ლობირებისთვისა და რუსეთის წინააღმდეგ პოზიციის გამკაცრებისთვის იყენებდეს, უბრალოდ ერთ ხმაში უყვავებენ იმ პოზიციას, რომელიც ჩვენი ეროვნული ინტერესების საწინააღმდეგოა“, - განაცხადა გიგა ბოკერიამ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო