საბა ბუაძე - უამრავი ქვეყანაა, რომელსაც წლებია კანდიდატის სტატუსი აქვს, მაგრამ არანაირი ნაბიჯი არ გადადგმულა ევროკავშირისკენ - მთავარი წინაპირობა რეფორმებია, რომელსაც ხელისუფლება არ ახორციელებს, რაც ვენეციის კომისიამაც დაადასტურა

თუ მივიღებთ კანდიდატის სტატუსს, ამას ამ ხელისუფლებასთან არანაირი კავშირი არ ექნება, კანდიდატის სტატუსითაც და მის გარეშეც „ქართული ოცნების“ პირობებში საქართველო ევროკავშირს ვერ დაუახლოვდება , - ამის შესახებ „ლელოს“ ერთ-ერთმა ლიდერმა, საბა ბუაძემ „პალიტრანიუსის“ გადაცემა „პოლიტიკურ სივრცეში“ განაცხადა.

საბა ბუაძის თქმით, უამრავი ქვეყანაა, რომელსაც წლებია აქვს კანდიდატის სტატუსი, მაგრამ არანაირი ნაბიჯი არ გადადგმულა ევროკავშირის მიმართულებით, ამიტომ საქართველოს მთავარი ამოცანა რეფორმების გატარებაა და არა კანდიდატის სტატუსი.

„ბოლო ნაბიჯი იქნება კანდიდატის სტატუსის ამ ხელისუფლების პირობებში იმიტომ, რომ რუსეთის და ამ ხელისუფლების ინტერესი არაა, რომ საქართველო დაუახლოვდეს ევროკავშირს, დასავლურ სამყაროს და მოწყდეს რუსულ სამყაროს, რომელიც ბევრ რამეს განასახიერებს ამ ქვეყანაში.

მე აბსოლუტურად თამამად ვამბობ, რომ ეს ხელისუფლება ქართველი ხალხის ნაცვლად ემსახურება პუტინის რუსეთის ინტერესებს. პუტინის ინტერესებშია, რომ საქართველო იყოს ჩამორჩენილი, ჰიბრიდული სახელმწიფო, სადაც არც დემოკრატიაა, არც განვითარებაზე არანაირი სწორება არაა და რუსეთის უკანა ეზოდ მოიაზრებენ ამ ქვეყანას.

კანდიდატის სტატუსი ხომ არ არის ჩვენი მთავარი ამოცანა? უამრავი ქვეყანაა, რომელსაც წლებია აქვს კანდიდატის სტატუსი, მაგრამ არანაირი ნაბიჯი არ გადადგმულა ევროკავშირის მიმართულებით, ამიტომ კანდიდატის სტატუსი კი არ არის ევროკავშირთან დაახლოების წინაპირობა, მთავარი წინაპირობა არის რეფორმები, რომელსაც ეს ხელისუფლება არ ახორციელებს. რაც სულ ბოლოს დაადასტურა ვენეციის კომისიამაც. კანდიდატის სტატუსი, კანდიდატის სტატუსისთვის არ გვჭირდება, მთავარი, რაც ევროკავშირთან დაახლოებას განაპირობებს არის რეფორმები. ბორელი იყო ჩამოსული და გვითხრა, ამ კლუბის წევრობა როცა გინდა, შესაბამისი წესებით უნდა იმოქმედო და გააკეთო ის, რაც ამ კლუბის სამოქმედო გეგმაში შედისო. ამას არ აკეთებს ხელისუფლება და ეს ბევრი მიმართულებით დადასტურდა“, - განაცხადა საბა ბუაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის