იაგო ხვიჩია - როგორც ჩანს, „ქართული ოცნება“ თავის სტუმარს არ ახვედრებს სხვა ოპოზიციურ პარტიებს - საჯაროდ არაერთხელ გვითქვამს, რომ ჰერმან საბოს უნდოდა თავის ისტორიული სამშობლოს პრეზიდენტთან შეხვედრა

როგორც ჩანს, „ქართული ოცნება“ თავის სტუმარს არ ახვედრებს სხვა ოპოზიციურ პარტიებს - საჯაროდ არაერთხელ გვითქვამს, რომ ჰერმან საბოს უნდოდა თავის ისტორიული სამშობლოს პრეზიდენტთან შეხვედრა, - ამის შესახებ „გირჩის“ დეპუტატმა იაგო ხვიჩიამ ვიქტორ ორბანის ვიზიტის კომენტირებისას განაცხადა.

მისივე თქმით, ნებისმიერი ქვეყნის პრეზიდენტი, რომელიც საქართველოს ევროინტეგრაციას მხარს უჭერს, საპატიო სტუმარია, თუმცა, ისიც გასათვალისწინებელია, რომ ორბანის მხარდაჭერა "კარგად დაცდილი არაა" და ამის მაგალითი წინა ხელისუფლებაა.

"ვიზიტის მნიშვნელობაზე ვერაფერს გეტყვით, მაგრამ ნებისმიერ შემთხვევაში, როცა სხვა ქვეყნის პრეზიდენტი ჩამოდის, რომ უგულშემატკივროს საქართველოს ევროინტეგრაციისკენ სწრაფვას, სხვა ცოდვების მიუხედავად, ჩვენთვის საპატიო სტუმარი უნდა იყოს.

ძალიან გვინდოდა ჰერმან საბო, როგორც ძირძველი უნგრელი შეგვეხვედრებინა თავის წარმოშობის სამშობლოს პრეზიდენტთან, მაგრამ არ გამოგვივიდა. როგორც ჩანს, "ქართული ოცნება" თავის სტუმარს არ ახვედრებს სხვა ოპოზიციურ პარტიებს. საჯაროდ არაერთხელ გვითქვამს, რომ საბოს უნდოდა თავის ისტორიული სამშობლოს პრეზიდენტთან შეხვედრა, მაგრამ გამოხმაურება არ ჰქონია, როგორც ჩანს, პროტოკოლი სათვისტომოს ნახვას არ ითვალისწინებს.

მე მგონი, ორბანზე ფსონის დადების მაგალითი წინა ხელისუფლებამ დანერგა ამ ქვეყანაში და არ დასრულდა მაინც და მაინც კარგად. ახლა, მგონი, სხვა საქმეზეა ბატონი ორბანი ჩამოსული, მაგრამ [საქართველოში] ხელისუფლებებისთვის კარგად არ არის დაცდილი მისი ჩამოსვლა და მხარდაჭერა, ესეც არ უნდა დაგვავიწყდეს,"- განაცხადა ხვიჩიამ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია