ზურაბ ჯაფარიძე - ერთადერთი პოლიტიკური ლიდერი ევროკავშირის შიგნით, ვისთანაც ნორმალური ურთიერთობა დარჩათ, ორბანია - ამ ხელისუფლებას ქვეყანა იზოლაციისკენ მიჰყავს

ერთადერთი პოლიტიკური ლიდერი ევროკავშირის შიგნით, ვისთანაც დარჩათ ნორმალური ურთიერთობა, ეს არის ორბანი, - ასე შეაფასა „გირჩი-მეტი თავისუფლების“ ლიდერმა ზურაბ ჯაფარიძემ, უნგრეთის პრემიერ-მინისტრის, ვიქტორ ორბანის საქართველოში ვიზიტი.

მისივე თქმით, ხელისუფლებას ქვეყანა იზოლაციისკენ მიჰყავს.

„ეს ქვეყანა ამ ხელისუფლებას ისედაც მიჰყავს იზოლაციისკენ, ღარიბაშვილს მეგობრად მარტო უნგრეთის პრემიერი ორბანი დარჩა. ევროპის შიგნით, ნატო-ში ჩვენ მეტი მეგობარი ქვეყანა აღარ დაგვრჩა, მაშინ, როცა, წლების განმავლობაში მთელი რიგი ქვეყნები არსებობდნენ, რომლებიც საქართველოს ინტერესებს ნატო-სა და ევროკავშირში მუდმივად ლობირებდნენ. ეს თავისთავად ინდიკატორია იმის, რომ ჩვენ უკვე ვართ იზოლაციაში. ის, რომ ჩვენ ჯერ კიდევ ვინარჩუნებთ, რაც გვაქვს იმის ტერიტორიულ მთლიანობასა და სუვერენიტეტს, ეს უბრალოდ ჩვენი დასავლელი მეგობრების კეთილი ნებაა, რომ არ გვწირავენ ბოლომდე, თორემ იზოლაციაში ეს ქვეყანა ისედაც არის. ერთადერთი პოლიტიკური ლიდერი ევროკავშირის შიგნით, ვისთანაც დარჩათ ნორმალური ურთიერთობა, ეს არის ორბანი. ზოგადად, არაფერი ცუდი იმაში არა, რომ ჩვენ ევროკავშირის ნებისმიერ ქვეყანასთან გვქონდეს კარგი ურთიერთობა, მათ შორის უნგრეთთან და უნგრეთის ლიდერთანაც, მაგრამ უნდა გვესმოდეს, რომ ორბანის ხელისუფლება ევროკავშირის შიგნით, ევროკავშირის ქვეყნებისთვის არის პრობლემა და ამაზე ისინი, ხშირ შემთხვევაში, ღიადაც საუბრობენ“, - განაცხადა ზურაბ ჯაფარიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი