ისრაელის ელჩი - „ჰამასმა“ აჩვენა თავისი რეალური სახე - სისხლისმსმელი ორგანიზაცია უკონტროლო ჯგუფებით, რომელიც მსგავსია „ისლამური სახელმწიფოსი“ - ტერორიზმს გამართლება არ აქვს!

„ჰამასმა“ აჩვენა თავისი რეალური სახე - სისხლისმსმელი ორგანიზაცია უკონტროლო ჯგუფებით, რომელიც მსგავსია „ისლამური სახელმწიფოსი” - ამიტომ ამ დროს მკაფიო უნდა ვიყოთ და ცხადი ჩვენს მხარდაჭერაში ისრაელისადმი, რომ ისრაელს ჰქონდეს ყველაფერი, რაც სჭირდება თავისი მოქალაქეებისა და ქვეყნის დასაცავად, - ამის შესახებ ისრაელის ელჩმა ჰადას მეიცადიმ საქართველოს პარლამენტის საგარეო ურთიერთობათა კომიტეტის სხდომაზე განაცხადა, სადაც ის სიტყვით გამოდის.

მისი თქმით, ტერორიზმს გამართლება არ აქვს და „ჰამასი“ სარჩულად ვერანაირ საბაბს ვერ გამოიყენებს.

ისრაელის ელჩმა კომიტეტის სხდომაზე დეპუტატებისთვის ისრაელში არსებული ვითარების სიმძიმის დემონსტრირებისთვის აუდიოჩანაწერი ჩართო, სადაც ისრაელის მოქალაქე ქალბატონი თავისი შვილების გატაცების ამბავს ჰყვება და ითხოვს, რომ შვილების პოვნაში დაეხმარონ.

„მათ აჩვენეს თავიანთი რეალური სახე - სისხლისმსმელი ორგანიზაცია უკონტროლო ჯგუფებით, რომელიც მსგავსია „ისლამური სახელმწიფოსი“. მათ ამოძრავებთ სიძულვილი, სურვილი აქვთ გაანადგურონ ჩვენი მოქალაქეები და გაანადგურონ ისრაელის სახელმწიფო. „ჰამასს“ არ აინტერესებს არც ღაზას ხალხის უსაფრთხოება და არც მათი კეთილდღეობა, ისინი უბრალოდ იყენებენ მათ, რომ ჩვენი მოქალაქეები დააზიანონ. ეს არის ომი, მაგრამ, სამწუხაროდ, ეს არის ახალი ისრაელის მოქალაქეებისთვის. ფაქტობრივად, 100 წელია ვრცელდება ანტისემიტიზმი და გენოციდი ებრაელი ხალხის. ამიტომ ამ დროს მკაფიო უნდა ვიყოთ და ცხადი ჩვენს მხარდაჭერაში ისრაელისადმი, რომ ისრაელს ჰქონდეს ყველაფერი, რაც სჭირდება თავისი მოქალაქეებისა და ქვეყნის დასაცავად. არანაირი გამართლება არ აქვს ტერორიზმს, ვერანაირ საბაბს ვერ გამოიყენებენ სარჩულად“, - განაცხადა ისრაელის ელჩმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია