საგარეო ვექტორი შეცვლილია, ივანიშვილის რეჟიმი ირაკლი ღარიბაშვილის პირით ყველაფერს აკეთებს, რომ რუსეთის ბანაკის მხარეს აღმოვჩნდეთ, - ამის შესახებ „ერთიანი ნაციონალური მოძრაობის“ პოლიტსაბჭოს წევრმა, ლაშა ფარულავამ განაცხადა.
მან აზერბაიჯანის რესპუბლიკის პრეზიდენტ ილჰამ ალიევთან შეხვედრის დროს ირაკლი ღარიბაშვილის განცხადება შეაფასა, სადაც, მისი თქმით, ღარიბაშვილმა თქვა, რომ რეგიონში პრობლემები თავად უნდა გადავწყვიტონ და არავის დახმარება არ სჭირდებათ.
„საგარეო ვექტორი შეცვლილია, ივანიშვილის რეჟიმი ირაკლი ღარიბაშვილის პირით ყველაფერს აკეთებს, რომ რუსეთის ბანაკის მხარეს აღმოვჩნდეთ. როცა ჩვენი ეროვნული ინტერესებისთვის მნიშვნელოვანია რეფორმების გატარება და ევროპულ ღირებულებებთან თავსებადობა, მითუმეტეს საგარეო კუთხით, ყველაფერს აკეთებენ, რომ “ეფესბეს” და რუსეთის დავალებები შეასრულონ“, - განაცხადა ფარულავამ.
ინფორმაციას „ნაციონალური მოძრაობის“ პრესსამსახური ავრელებს.