ნიკოლოზ სამხარაძე - ვიქტორ ორბანისთვის პრორუსი პოლიტიკოსის დარქმევა დიდი შეცდომაა - ევროკავშირის წევრ რომელიმე ქვეყანაში პრორუსული მთავრობა რომ იყოს, ქვეყნის ევროკავშირიდან და ნატო-დან გაყვანას შეეცდებოდა

ვიქტორ ორბანისთვის პრორუსი პოლიტიკოსის დარქმევა ძალიან დიდი შეცდომაა - ევროკავშირის წევრ რომელიმე ქვეყანაში პრორუსული მთავრობა რომ იყოს, ქვეყნის ევროკავშირიდან და ნატო-დან გაყვანას შეეცდებოდა, რადგან პრორუსული მთავრობა ასე მოიქცეოდა, - ეს განცხადება ჟურნალისტებთან პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ გააკეთა.

სამხარაძის თქმით, ორბანს მსოფლიოში მიმდინარე მოვლენებთან დაკავშირებით განსხვავებული ხედვა აქვს, ის განუხრელად საკუთარი ქვეყნის ინტერესების დასაცავად გამოდის, რაც რიგ შემთხვევაში, შეიძლება სხვა ევროპული ქვეყნების პოლიტიკასთან თანხვედრაში არ იყოს. როგორც სამხარაძემ აღნიშნა, აბსურდია იმაზე საუბარი, რომ ევროკავშირის რომელიმე ქვეყანაში პრორუსული მთავრობაა.

“ვიქტორ ორბანის საქართველოში ვიზიტი მნიშვნელოვანია ორი მიმართულებით. ერთი ეს არის საქართველოს ევროპული ინტეგრაცია. უნგრეთს ევროპულ საბჭოში აქვს ხმა. შესაბამისად, მნიშვნელოვანია, რომ უნგრეთმა საქართველოსთვის კანდიდატის სტატუსის მინიჭების საკითხს მხარი დაუჭიროს და საბჭოს სხდომაზე ერთ-ერთი გულმხურვალე მხარდამჭერი იყოს. მეორე - ეს არის ორმხრივი ურთიერთობები. საქართველოსა და უნგრეთს შორის არსებობს სავაჭრო-ეკონომიკური ურთიერთობები, ასევე ურთიერთობებო სხვა სფეროში. ამიტომ დელეგაცია საკმაოდ წარმომადგენლობითია, გაიმართა მთავრობათაშორისო სხდომა. ეს ვიზიტი ქართულ-უნგრული ურთიერთობების წინ წასაწევად მნიშვნელოვანია“, - განაცხადა სამხარაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის