ბერდია სიჭინავა - როდესაც ქვეყანა ორბანიზაციის გზას ადგება, დიდი ტრაგედიაა

ირაკლი ღარიბაშვილის მხრიდან საუბარი იყო, რომ ვიქტორ ორბანი არის ქრისტიანობის მცველი, ჩვენი სტრატეგიული პარტნიორი - იმ ორბანზეა საუბარი, რომელსაც კრიმინალური ძებნილები ჰყავს შეფარებული,“ნაციონალური მოძრაობის“ ყოფილი წევრები , - ამის შესახებ პარტია “საქართველოსთვის“ აღმასრულებელმა მდივანმა, ბერდია სიჭინავამ განაცხადა, რითაც შეაფასა უნგრეთის-პრემიერ მინისტრის, ვიქტორ ორბანის საქართველოში ვიზიტი.

როგორც სიჭინავამ “პალიტრანიუსის“ გადაცემა “რეზიუმეში“ განაცხადა, როდესაც ქვეყანა „ორბანიზაციის გზას ადგება“, დიდი ტრაგედიაა.

ირაკლი ღარიბაშვილის მხრიდან საუბარი იყო, რომ ვიქტორ ორბანი არის ქრისტიანობის მცველი და ევროკავშირში მნიშვნელოვანი გადაწყვეტილებების მიმღები პირი, რომელიც ჩვენი სტრატეგიული პარტნიორია, მეგობარი ქვეყანაა. იმ ორბანზეა საუბარი, რომელსაც კრიმინალური ძებნილები ჰყავს შეფარებული,“ნაციონალური მოძრაობის“ ყოფილი წევრები. ბუნებრივი შეკითხვაა, რომ იყო თუ არა ამ თემებთან დაკავშირებით საუბარი. დააყენა თუ არა ორბანმა სააკაშვილის საკითხი ირაკლი ღარიბაშვილთან? გამოხატა თუ არა სურვილი მოენახულებინა თავისი მეგობარი სააკაშვილი. ფაქტობრივად, სასიყვარულო სამკუთხედია. საერთო საძმაკაცო გამოდის სააკაშვილს, ღარიბაშვილსა და ორბანს შორის.

კარგად ვიცით, ვიქტორ ორბანის რეპუტაცია ქვეყნის შიგნით და გარეთ. როდესაც ქვეყანა ორბანიზაციის გზას ადგება, დიდი ტრაგედიაა“, - განაცხადა სიჭინავამ.

მისივე განცხადებით, პარტია „საქართველოსთვის“ საპარლამენტო გუნდმა შეკითხვით მიმართა პრემიერ-მინისტრ, ირაკლი ღარიბაშვილს, რომ იყო თუ არა საუბარი იმ ადამიანების ექსტრადიციაზე, რომლებიც უნგრეთმა შეიფარა.

„როდესაც უნგრეთთან მჭიდრო ურთიერთობები ყალიბდება, გვაინტერესებს იყო თუ არა საუბარი იმ ადამიანების ექსტრადიციაზე, რომლებიც უნგრეთმა შეიფარა. ეს ადამიანები ბუდაპეშტში თავისუფლად გადაადგილდებიან, დღემდე ბუდაპეშტში ცხოვრობს ერეკლე კოდუა. ამ საკითხებთან დაკავშირებით ჩვენმა საპარლამენტო გუნდმა შეკითხვით მივმართეთ ირაკლი ღარიბაშვილს. მეეჭვება რამე პასუხის გაგვცეს, „ნაციონალური მოძრაობა“ ხომ ხელოვნურად მოგონილი მტერია, რომელიც საუკეთესო საფრთხობელაა“, - განაცხადა სიჭინავამ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო