თეონა აქუბარდია - „ქართული ოცნების“ უარი, რომ ოჩამჩირეში რუსეთის სამხედრო ფლოტის განთავსება ერთად დავგმოთ, კიდევ ერთ ლუსტრაციას წარმოადგენს, რამხელა გავლენა აქვს რუსეთს „ოცნების“ პოლიტიკურ გადაწყვეტილებაზე

„ქართული ოცნების“ უარი, რომ ოჩამჩირეში რუსეთის სამხედრო ფლოტის განთავსება ერთად დავგმოთ და პარტნიორ ქვეყნებს საქართველოს გვერდით დგომისკენ მოვუწოდოთ, კიდევ ერთ ლუსტრაციას წარმოადგენს, თუ რამხელა გავლენა აქვს რუსეთს „ქართული ოცნების“ პოლიტიკურ გადაწყვეტილებაზე, - ამის შესახებ ჟურნალისტებს პარლამენტის ოპოზიციონერმა დეპუტატმა თეონა აქუბარდიამ განუცხადა.

აქუბარდიას შეფასებით, „ქართული ოცნება“ საქართველოს ტერიტორიული მთლიანობისა და სუვერენიტეტის ეროვნულ ინტერესს დღითი-დღე აუარესებს.

„მაშინ როდესაც პარლამენტის თავდაცვისა და უშიშროების კომიტეტის თავმჯდომარე აქტიურად უნდა მუშაობდეს გაზრდილი საფრთხეების შეფასებაზე, დღეს ჩვენ მისი მხრიდან ჩვეულებრივი სადღეგრძელო მოვისმინეთ, რასაც მხოლოდ ყანწი აკლდა ხელში - თავდაცვისა და უშიშროების კომიტეტის თავმჯდომარის სავარძელი აბსოლუტურად არათავსებადი იყო ფრაზებთან, რაც მისგან კომიტეტის სხდომაზე მოვისმინეთ. ოჩამჩირეში რუსეთის სამხედრო ფლოტის მუდმივი ბაზირება საფრთხეს უქმნის როგორც საქართველოს სუვერენიტეტს და ტერიტორიულ მთლიანობას, ასევე ქვეყნის გაცხადებულ ეროვნულ ინტერესებს“, - განაცხადა თეონა აქუბარდიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია