„ერთიანი ნაციონალური მოძრაობის“ და „სტრატეგია აღმაშენებლის“ კოალიცია, „ერთიანი ნაციონალური მოძრაობის“ პარლამენტის ფრაქციის თავმჯდომარე, თინა ბოკუჩავა, პარტიის საერთაშორისო მიმართულების მდივანი, ზურაბ ჭიაბერაშვილი და „სტრატეგია აღმაშენებლის“ თავმჯდომარე, გიორგი ვაშაძე საფრანგეთის საგარეო საქმეთა სამინისტროში და პარლამენტში ერთობლივ შეხვედრებს მართავენ. ამის შესახებ ინფორმაციას „ნაციონალური მოძრაობის“ პრესსამსახური ავრცელებს.

მათივე ცნობით, შეხვედრისას განხილვის მთავარი თემა იყო საქართველოს ევროპული არჩევანი იმ მნიშვნელოვანი გადაწყვეტილების წინ, რომელიც ბრიუსელმა უნდა მიიღოს.

„ერთიანი ნაციონალური მოძრაობა“ კვლავ აგრძელებს საქართველოს ინტერესების დაცვას იმისთვის, რომ საქართველომ ეს ისტორიული შესაძლებლობა არ დაკარგოს“,- ნათქვამია ინფორმაციაში.