პაატა მანჯგალაძე - მივმართავ ხელისუფლებას, დაუყოვნებლივ უზრუნველყონ ისრაელში მცხოვრები ჩვენი მოქალაქეების ჩამოყვანა რომელთა დაბრუნება უკვე გადაუდებელი აუცილებლობა გახდა

„სტრატეგია აღმაშენებლის“ ერთ-ერთი ლიდერი, პაატა მანჯგალაძე ხელისუფლებას მიმართავს, დაუყოვნებლივ უზრუნველყონ ისრაელში მცხოვრები საქართველოს მოქალაქეების ჩამოყვანა, რომელთა დაბრუნება უკვე გადაუდებელი აუცილებლობა გახდა.

როგორც მან აღნიშნა, ნაცვლად იმისა, რომ ხელისუფლებამ უზრუნველყოს მათი სპეციალური რეისებით ჩამოყვანა, „აირზენასთან“ ერთად ახორციელებს ზეკომერციული ფასებით მათ ძარცვას“.

„რამდენიმე დღეა თვალს ვადევნებთ, რომ ისრაელი ტერორისტებთან რეალურ ომშია ჩართული და ფაქტობრივად, იქ უსაფრთხო ადგილი არ არსებობს. სწორედ ამიტომ, ბევრი ქართველი გვიკავშირდება, რომ საქართველოში დაბრუნება დაუყოვნებლივ ესაჭიროება. ნაცვლად იმისა, რომ ხელისუფლებამ უზრუნველყოს მათი ჩამოყვანა სპეციალური რეისებით, „აირზენასთან“ ერთად ზეკომერციული ფასებით მათ ძარცვას ახორციელებს, თან ამ გაბერილი ბილეთის ფასის პირობებშიც კი არ არის ბილეთების საკმარისი რაოდენობა.

უზნეობაა, როცა სიცოცხლესა და უსაფრთხოებას კომერციული და ფინანსური ინტერესი უპირისპირდება, სწორედ ეს არის ხელისუფლების პირდაპირი პასუხისმგებლობა და დანაშაული. მხოლოდ საკონსულო და საელჩო ამ პრობლემას ვერ მოაგვარებს.

ვიცით, რომ ისრაელში 90% ზე მეტი ქართველი არ არის საკონსულო აღრიცხვაზე, ისინი განაწილებულები არიან მთელს ტერიტორიაზე და აუცილებელია მათთან მუდმივი კომუნიკაციის ხაზის აწყობა. თუ სპეციალურ რეისებს არ აკეთებს ხელისუფლება, აუცილებელია არა მარტო ბავშვებისთვის, არამედ ყველასთვის ფიქსირებული, შეღავათიანი ფასის შეთავაზება ბილეთებზე, რადგან დალხენილი ცხოვრებისთვის იქ არავინ წასულა და ფრენისთვის საჭირო ათასობით ლარი უმეტეს მათგანს არ გააჩნია. მივმართავ ხელისუფლებას, დაუყოვნებლივ უზრუნველყონ ისრაელში მცხოვრები ჩვენი იმ მოქალაქეების სამშობლოში ჩამოყვანა, რომელთა დაბრუნება უკვე გადაუდებელი აუცილებლობა გახდა", - განაცხადა მანჯგალაძემ, რომლის კომენტარსაც „სტრატეგია აღმაშენებელი“ ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის