პაატა მანჯგალაძე - იმპიჩმენტის პროცედურით რუსეთს ასიამოვნეს - რუსებმა თქვეს, რომ საქართველოს ხელისუფლება ფაშინიანზე პრაგმატულია და მასზე კარგად იქცევა, დსთ-შიც გველოდებიან

იმპიჩმენტის პროცედურით რუსეთს ასიამოვნეს - რუსებმა თქვეს, რომ საქართველოს ხელისუფლება ფაშინიანზე პრაგმატულია და მასზე კარგად იქცევა, დსთ -შიც გველოდებიან, - ამის შესახებ „სტრატეგია აღმაშენებლის" დეპუტატმა პაატა მანჯგალაძემ განაცხადა.

მისი თქმით, საკონსტიტუციო სასამართლოში პოლიტიკურად მოტივირებულ გადაწყვეტილებას მიიღებენ.

„სამწუხაროდ, საკონსტიტუციო სასამართლოსგან სამართლებრივ მსჯელობას არ ველოდები, გადაწყვეტილება იქნება მოტივირებული პოლიტიკიდან გამომდინარე, რადგან კობახიძისთვის იმდენად რეპუტაციულია ეს საკითხი, წინასწარი გარანტიები რომ არ ჰქონოდა საკონსტიტუციო სასამართლოსგან, რომ მისთვის სასარგებლო გადაწყვეტილება გამოვიდოდა, არ გარისკავდა და არ შეიტანდა წარდგინებას საკონსტიტუციო სასამართლოში. იმპიჩმენტი პარლამენტში არის პოლიტიკური საკითხი და კარგად იცის კობახიძემ, რომ პოლიტიკური მიზანშეწონილობით ხდება საკითხის გადაწყვეტა, მაშინ ისმის კითხვა, რატომ წამოიწყო "ქართულმა ოცნებამ" ეს პროცესი, თუ პარლამენტში საკმარისი ხმა არ აქვს?! მე არ ვიცი, რამდენი ხმა აქვს "ქართულ ოცნებას", ჩვენ რა თქმა უნდა ამაში მონაწილეობას არ მივიღებთ. ამით "ქართულმა ოცნებამ" ორ მიზანს მიაღწია, ევროპელებში გააჩნია განცდა, რომ არ უნდათ სტატუსის მიღება, რადგან ბევრმა ევროპელმა ლიდერმა გვითხრა, რომ ამ მიზეზით (ევროპაში ვიზიტები) იმპიჩმენტის გამოცხადება არ ეხმარება სტატუსის მიღებას. იმპიჩმენტის მეორე მიზეზი ისაა, რომ რუსეთს ასიამოვნეს რუსებმა თქვეს, რომ საქართველოს ხელისუფლება ფაშინიანზე პრაგმატულია და მასზე კარგად იქცევა, დსთ- შიც გველოდებიან,"- განაცხადა მანჯგალაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის