დავით ხაჯიშვილი - პრეზიდენტის იმპიჩმენტის კენჭისყრის დროს დარბაზში ნამდვილად არ ვიქნებით, რაც შეეხება განხილვაზე დასწრებას, ამაზე ფრაქციაში კონსულტაცია ჯერ არ გვქონია

ფრაქცია „ნაციონალური მოძრაობა” იმპიჩმენტის კენჭისყრაში მონაწილეობას არ მიიღებს, განხილვაზე დასწრების თაობაზე კი პარტიაში გადაწყვეტილება ჯერ არ მიუღიათ.

როგორც ჟურნალისტებს “ნაციონალური მოძრაობის” დეპუტატმა დავით ხაჯიშვილმა განუცხადა, ფრაქციის წევრებს პრეზიდენტთან მთავარი კითხვა აქვთ, „რატომ არ უშვებს მიხეილ სააკაშვილს საპყრობილიდან”.

„კენჭისყრის დროს ნამდვილად არ ვიქნებით დარბაზში, რაც შეეხება განხილვას, ამაზე ფრაქციაში კონსულტაცია ჯერ არ გვქონია. თუმცა ფრაქციაში ყველას ერთი კითხვა მაინც გვაქვს. მთავარი კითხვა ისაა, რატომ არ უშვებს მიხეილ სააკაშვილს საპყრობილიდან, როდესაც იცის, რომ იგივე სასამართლომ გაასამართლა ის რუსი აგენტი ფარცხალაძის წარდგინებით. თუ ის თვლის, რომ სასამართლო დღეს თავისუფალი არაა, რატომ არ უშვებს ქვეყნის მესამე პრეზიდენტს გარეთ?!”- განაცხადა დავით ხაჯიშვილმა.

რაც შეეხება იმას, შეაგროვებს თუ არა „ქართული ოცნება” იმპიჩმენტისთვის საჭირო 100 ხმას, ხაჯიშვილი ამბობს, რომ ეეჭვება.

„ძალიან მეეჭვება, რომ „ქართულმა ოცნებამ” 100 ხმა შეაგროვოს იმპიჩმენტის დროს. იმ ოპოზიციის პოლიტიკური კარიერა, ვინც მონაწილეობს მიიღებს იმპიჩმენტში, დასრულებული იქნება. არ მგონია, ვინმე იყოს ოპოზიციაში ისეთი, ვისაც კარიერის დასრულება უნდა”, - განაცხადა დავით ხაჯიშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო