ჯუანშერ ბურჭულაძე - აბა, რა ვუპასუხო ანა წითლიძეს, შეურაცხყოფის იქით ვერ განვითარდა ეს ხალხი, ჩარჩნენ - თვითონ არიან მონები, კერპთაყვანისმცემლები, ოკულტისტები

მონები არიან თვითონ, კერპთაყვანისმცემლები და ოკულტისტები, - ეს შეფასება თავდაცვის მინისტრმა ჯუანშერ ბუჭრძულაძემ „ნაციონალური მოძრაობის“ შესახებ გააკეთა, რითაც ანა წითლიძეს უპასუხა.

მინისტრმა აღნიშნა, რომ მათ ერთი კულტი ჰყავთ და ოკულტისტები არიან.

„რა ვუპასუხო აბა, ქალბატონ ანას, შეურაცხყოფის იქით ვერ განვითარდა ეს ხალხი. ქვეყანა განვითარდა, საზოგადოებაც იცვლება, ეს ხალხი ვერ განვითარდა, ჩარჩნენ იგივეში, შეურაცხყოფა, მონები... რა შუაშია მონები? მონები არიან თვითონ! კერპთაყვანისმცემლები, ოკულტისტები არის სწორედ ეს ხალხი. ერთი კულტი ჰყავთ, კულტი ჰქვია, აბა, ამას სხვა რა ჰქვია?“, - აღნიშნა ბურჭულაძემ.

მანამდე ანა წითლიძემ მინისტრს მიმართა, რომ ერთადერთი მიზეზით არის თავდაცვის მინისტრი.

„ქართუ ბანკში იყავით, აგიღეს და დაგდეს თავდაცვის მინისტრად” , - მიმართა წითლიძემ მინისტრს.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო