ჯუანშერ ბურჭულაძე - ჩვენი რეფორმები ჩვენი ჯარის გასაძლიერებლად ნიშნავს სვლას საერთო მიზნისკენ: ჩვენი ქვეყანა იყოს კიდევ უფრო ძლიერი და უსაფრთხო

საქართველოს თავდაცვის მინისტრი ჯუანშერ ბურჭულაძე „მინისტრის საათის“ ფორმატში ანგარიშის წარდგენისას ოპონენტების კრიტიკას გამოეხმაურა, თითქოს თავდაცვის ძალები არ მონაწილეობს საერთაშორისო სწავლებებში და შესაბამისი ნაბიჯები არ იდგმება შეიარაღებისა და სხვადასხვა საშუალებების შეძენის მხრივ.

შეჯამების სახით მინისტრმა იმ მნიშვნელოვანი შესყიდვების მცირე ჩამონათვალი გააკეთა, რომლებიც თავდაცვის სამინისტრომ 2023 წელს განახორციელა: „მხოლოდ 2023 წელს, სამინისტრომ გააფორმა დაახლოებით 15 მრავალმილიონიანი ხელშეკრულება შეიარაღების შესყიდვაზე. ჩვენ ეს კონტრაქტები გვაქვს ისეთ ქვეყნებთან და კომპანიებთან, როგორიცაა ესპანეთი (კომპ. INSTALAZA - ხელის გადასატანი ერთჯერადი ყუმბარმტყორცნი), გერმანია (კომპ. DND - ერთჯერადი ყუმბარმტყორცნი), საფრანგეთი და ისრაელი (კომპ. RAFAEL - საჰაერო თავდაცვის სისტემა SPYDER; ADAMS), პოლონეთი (კომპ. „Mesko“ - საზენიტო-სარაკეტო საშუალება), ფინეთი (Lapua; შაშხანების კომპლექტი), ჩეხეთი (კომპ. Excalibur - საარტილერიო სისტემების შეკეთების და ტრენინგის მომსახურება; LOM PRAHA - მფრინავების საწყისი მომზადების კურსი) და სხვა“.

ჯუანშერ ბურჭულაძემ მიმდინარე წელს საქართველოსა და საზღვარგარეთ ჩატარებულ და წლის ბოლომდე დაგეგმილ საერთაშორისო სწავლებებში საქართველოს თავდაცვის ძალების ჩართულობაზე გაამახვილა ყურადღება და აღნიშნა, რომ სწავლებებში თავდაცვის ძალების მონაწილეობის მხრივ ეს რეკორდული მაჩვენებელია.

“მხოლოდ მიმდინარე წელს საქართველოს თავდაცვის ძალების პირადმა შემადგენლობამ საქართველოში და საზღვარგარეთ მონაწილეობა მიიღო და წლის ბოლომდე მიიღებს, ჯამში, 27 მსხვილმასშტაბიან ეროვნულ და მრავალეროვნულ სწავლებაში. ასევე, გარდა მსხვილმასშტაბიანი ეროვნული და მრავალეროვნული სწავლებებისა, თავდაცვის ძალების სპეციალური ოპერაციების ძალების, ეროვნული გვარდიისა და სამხედრო პოლიციის დეპარტამენტის პირადმა შემადგენლობამ უმასპინძლა 13 სწავლებას და საზღვარგარეთ მონაწილეობა მიიღო 5 მრავალეროვნულ სწავლებაში“, - განაცხადა ჯუანშერ ბურჭულაძემ.

მისი თქმით, წარმოდგენილი ინფორმაცია ნათლად ადასტურებს თავდაცვის ძალების გაძლიერების მიზნით გაწეულ ძალისხმევას და მკაფიოდ პასუხობს ცილისმწამებლურ ბრალდებებს.

„მინისტრის საათის“ ფორმატში მოხსენების ბოლოს თავდაცვის მინისტრმა მადლობა გადაუხადა მთელ საზოგადოებას და აღნიშნა, რომ ჩვენი ქვეყნის დაცვა ყველას ვალია: „ჩვენი რეფორმები ჩვენი ჯარის გასაძლიერებლად ნიშნავს სვლას საერთო მიზნისკენ: ჩვენი ქვეყანა იყოს კიდევ უფრო ძლიერი და უსაფრთხო“, - განაცხადა ჯუანშერ ბურჭულაძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის