„მადლიერების ჩიტი“ საქართველოში წმინდა საყდრის სამოციქულო ნუნციუსს გადაეცა

17 ოქტომბერს, საქართველოს საპატრიარქოს ორგანიზებით საქართველოსა და სომხეთში აწ უკვე ყოფილი წმინდა საყდრის სამოციქულო ნუნციუსს, მისი აღმატებულება ჟოზე აველინო ბეტენკურის პატივსაცემად გამოსამშვიდობებელი საღამო გაიმართა.

საღამოს ესწრებოდნენ საქართველოს მართმადიდებელი ეკლესიის მაღალი იერარქები, საქართველოს კულტურის, სპორტისა და ახალგაზრდობის მინისტრი თეა წულუკიანი, დიპლომატიური კორპუსის წარმომადგენლები.

საღამოზე ჟოზე აველინო ბეტენკურს ფონდი „ქართული გალობის“ დამფუძნებლებმა ვან­ო ჩხარტიშვილმა და ნანა გოთუამ ფონდის სპეციალური ჯილდო – „მადლიერების ჩიტი“ გადასცეს, ქართული მუსიკალური კულტურის საერთაშორისო მასშტაბით პოპულარიზაციისათვის გაწეული გამორჩეული ღვაწლისათვის.

სწორედ მონსინიორ ჟოზე ბეტენკურის დიდი ჩართულობით ისტორიაში პირველად, 2022 წელს, ვატიკანში, წმინდა პეტრეს ტაძარში ქართული მრავალხმიანობის წარდგენა მოხდა.

ჯილდო „მადლიერების ჩიტი“ 2019 წელს შეიქმნა ფონდის დამფუძნებლის – ნანა გოთუას მიერ ფონდის პროექტების ხელშემწყობთათვის, განსაკუთრებული პატივისცემის და მადლიერების გამოსახატავად.

ჯილდო 2019 წლიდან დღემდე გადაეცათ: მონაკოს პრინცესა შარლინ უოტსტოკს, ანზორ ერქომაიშვილს, ტრისტან სიხარულიძეს, საქართველოს საპატრიარქოს დასავლეთ ევროპის ეპარქიის მღვდელმსახურებსა და სხვა ღვაწლმოსილ პირებს.

(R)

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის