ანა დოლიძე იმპიჩმენტის პროცესზე -  ეს იყო კობახიძის დაწერილი სცენარი, რომელშიც პრეზიდენტი თანამონაწილეობდა - კრიზისს ხელოვნურად ქმნიან

ეს იყო კობახიძის დაწერილი სცენარი, რომელშიც საქართველოს პრეზიდენტი თანამონაწილეობდა, - ასე ეხმაურება პარტია „ანა დოლიძე ხალხისთვის“ ლიდერი პრეზიდენტის იმპიჩმენტის დღევანდელ პროცესს.

როგორც ანა დოლიძე აცხადებს, ბოლო ორი თვე სერიოზულ საკითხებზე მსჯელობის ნაცვლად, ხელოვნურად შექმნილ კრიზისებზე საუბარში დაიხარჯა.

„დღეს მოხდა ის, რასაც პირველივე დღიდან ვამბობდით. ეს იყო მახინჯი სპექტაკლი, დროის დაკარგვის ორი თვე. მთელი ეს პერიოდი გვალაპარაკეს ამ სისულელეზე. ეს სცენარი ირაკლი კობახიძემ დაწერა, რომელშიც შოუს ინტენსიურობის გაზრდისთვის სამწუხაროდ, თანამონაწილეობდა საქართველოს პრეზიდენტი. ის ხელს უწყობდა, რომ საქმიანი დღის წესრიგიდან მსჯელობა კრიზისული დღის წესრიგზე დაეყვანა.

პირველივე დღეს, 4 სექტემბერს ვთქვი, რომ საქართველოს პარლამენტი უნდა შეკრებილიყო და შოვის ტრაგედიაზე შექმნილიყო საგამოძიებო კომისია. დღეს არცერთი სიტყვა არ უთქვამს ზურაბიშვილს იმ საქმეებზე, რაც ამ ორი თვის მანძილზე უნდა გაკეთებულიყო. შედეგად მივიღეთ სპექტაკლი, რასაც ორი თვეა ვუყურებთ. ჩვენ ვიცით, ესენი როგორც თამაშობენ. ხელოვნურად ქმნიან კრიზისს და ამ თემის ინტენსიურობის გაზრდას კი საქართველოს პრეზიდენტმა შეუწყო ხელი.

არადა, ამ პერიოდში რა არ მოხდა. რაჭის წყლებია დასაცავი, ბავშვთა კვების საკითხები და პრობლემებია მოსაგვარებელი. ამის ნაცვლად კი ვუყურებდით ამ გარჩევებს“, - აცხადებს ანა დოლიძე.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია