„ევროპელი დემოკრატების“ ლიდერებმა ევროპული პოლიტიკის ცენტრში შეხვედრა გამართეს

„ევროპელი დემოკრატების“ ლიდერები პაატა დავითაია, მამუკა გამყრელიძე და ნიკოლოზ ვაშაკიძე ევროპული პოლიტიკის ცენტრში ამანდა პოლისს შეხვდნენ.

ამის შესახებ ინფორმაციას პარტიის პრესსამსახური ავრცელებს.

მათი ინფორმაციით, „ევროპელი დემოკრატების“ ლიდერებმა ხაზგასმით გამოხატეს პოზიცია, რომ საქართველომ გარკვეული ვალდებულებების დათქმით, კანდიდატი ქვეყნის სტატუსი აუცილებლად უნდა მიიღოს.

„ევროპელი დემოკრატების“ თავმჯდომარის პაატა დავითაიას განცხადებით, შეხვედრაზე ისაუბრეს საქართველოსთვის ევროკავშირის კანდიდატი ქვეყნის სტატუსის მინიჭებასთან დაკავშირებულ პროცესზე და რეფორმების აუცილებლობაზე.

„ჩვენი მიზანი იყო, ბრიუსელში ჩვენს პარტნიორებთან კიდევ ერთხელ დაგვეფიქსირებინა ჩვენი მკვეთრი პოზიცია იმ მნიშვნელოვან პროცესში, რასაც ახლა ქვეყანა გადის, რაც საქართველოსთვის ევროკავშირის კანდიდატი ქვეყნის სტატუსის მინიჭებას ეხება. ბრიუსელში ყურადღებით აკვირდებიან ყველაფერს, რაც საქართველოში ხდება. ასეთი შეხვედრები ხელს უწყობს პოლიტიკური პარტიების და ბრიუსელში მოქმედი გავლენიანი საერთაშორისო ორგანიზაციების დაახლოებას და მჭიდრო თანამშრომლობას, რაც ძალიან მნიშვნელოვანია ქვეყნისთვის ევროინტეგრაციის პროცესში. ამანდა პოლის შეფასებით, პრობლემების მიუხედავად, ისინი გამოხატავენ მხარდაჭერას ქართველი ხალხის მიმართ. ახლა ყველაზე მნიშვნელოვანია, ქვეყანამ კანდიდატი ქვეყნის სტატუსი მიიღოს, ეს არის ჩვენი ხალხის სწრაფვა დიდი ევროპული ოჯახისკენ“, - აცხადებს პაატა დავითაია.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის