ნატოს საპარლამენტო ასამბლეაში „ევროპელი დემოკრატების“ შეხვედრები გაიმართა

„ევროპელი დემოკრატების“ თავმჯდომარე პაატა დავითაია, პოლიტიკური საბჭოს თავმჯდომარე ნიკოლოზ ვაშაკიძე და გენერალური მდივანი მამუკა გამყრელიძე ბრიუსელში შეხვედრებს განაგრძობენ.

პარტიის ინფორმაციით, 19 ოქტომბერს შეხვედრა ნატოს საპარლამენტო ასამბლეის პროგრამების ხელმძღვანელთან და პირველ მრჩეველთან სვიტლანა სვიეტოვასთან გაიმართა.

„ევროპელი დემოკრატების“ თავმჯდომარის პაატა დავითაიას განცხადებით, შეხვედრაზე განიხილეს საქართველოს ნატოში ინტეგრაციის პერპექტივა და მხარდაჭერის აუცილებლობა, ასევე, რუსეთის ფედერაციის მხრიდან ჩვენი ოკუპირებულ ტერიტორიების ანექსიის გაზრდილი საფრთხეები.

პაატა დავითაიამ ნატოს საპარლამენტო ასამბლეის წარმომადგენელებს გააცნო საქართველოს ოკუპირებული ტერიტორიების ამსახველი რუკები, რომელთა მიხედვით მოხდა იმ ვითარების აღწერა, ოჩამჩირეში რუსეთის ჯარის და სპეცდანიშნულების ნაწილების განლაგების შემთხვევაში, თუ რა საფრთხეები შეიძლება დაემუქროს როგორც საქართველოს, ასევე ნატოს წევრ ქვეყნებს.

„ნატოს საპარლამენტო ასამბლეის წარმომადგენლებთან შეხვედრაზე ჩვენი საუბრის თემა ასევე იყო 2024 წლის არჩევნები და საარჩევნო სისტემები. ნატოს საპარლამენტო ასამბლეა დაინტერესებულია 2024 წლის საპარლამენტო არჩევნებით საქართველოში და როგორც აცხადებენ, იგეგმება დიდი საპარლამენტო დელეგაციის ჩამოსვლა, რაც ძალიან მნიშვნელოვანი იქნება 2024 წლის არჩევნების დემოკრატიულ გარემოში ჩასატარებლად“ , - აცხადებს პაატა დავითაია.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის