ნიკოლოზ სამხარაძე საქართველოში კატარის ელჩს შეხვდა

საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე კატარის სახელმწიფოს ელჩს საქართველოში, ჰასან აჰმედ ალ-მუტავას შეხვდა.

უწყების ცნობით, მხარეებმა ისაუბრეს ორ ქვეყანას შორის არსებულ პოლიტიკურ ურთიერთობებზე და ეკონომიკური თანამშრომლობის განვითარებაზე. ხაზი გაესვა საპარლამენტთაშორისო ურთიერთობების გაღრმავებას.

შეხვედრისას აგრეთვე განიხილეს რეგიონული უსაფრთხოების გარემო, მათ შორის სამხრეთ კავკასიასა და ახლო აღმოსავლეთში მიმდინარე მოვლენები.

„კატარის ელჩთან შეხვედრაზე აღვნიშნეთ, რომ ორ ქვეყანას შორის არსებული პოლიტიკური ურთიერთობები მაღალ დონეზეა და გვსურს, ეკონომიკური თანამშრომლობის კიდევ უფრო განვითარება მათ შორის, თავისუფალი ვაჭრობის მიმართულებით“, - განაცხადა საგარეო ურთიერთობათა კომიტეტის თავმჯდომარემ.

ნიკოლოზ სამხარაძემ კატარის საკანონმდებლო ორგანოს საგარეო ურთიერთობათა კომიტეტის წევრები საქართველოში ოფიციალური ვიზიტით მოიწვია.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი