IBSU-მ აბრეშუმის გზის მე-18 საერთაშორისო კონფერენციას უმასპინძლა

შავი ზღვის საერთაშორისო უნივერსიტეტმა ტრადიციულ, აბრეშუმის გზის მე-18 საერთაშორისო კონფერენციას უმასპინძლა, რომელშიც 14 ქვეყნის 80-ზე მეტი მეცნიერი მონაწილეობდა. ამის შესახებ ინფორმაციას შავი ზღვის საერთაშორისო უნივერსიტეტი ავრცელებს.

მათი ინფორმაციით, ორდღიანი კონფერენციის თემატიკა მოიცავდა რუსეთის მიერ წამოწყებულ კონფლიქტს უკრაინაში და მის გავლენას სამხრეთ კავკასიასა და მომიჯნავე რეგიონებზე.

„კონფერენციის პარტნიორი უნივერსიტეტები იყვნენ კავკასიის უნივერსიტეტი, საქართველოს ეროვნული უნივერსიტეტი, სომხეთის ეკონომიკის სახელმწიფო უნივერსიტეტი, ცვიკაუს გამოყენებით მეცნიერებათა უნივერსიტეტი (გერმანია), ცვიკაუს გამოყენებით მეცნიერებათა უნივერსიტეტის აღმოსავლეთ აზიის შესწავლის ცენტრი, გამოყენებითი ფსიქოლოგიის კოლეჯი (ჩეხეთი) და სომხეთის ეკონომიკის სახელმწიფო უნივერსიტეტის კვლევითი ცენტრი.

აბრეშუმის გზის საერთაშორისო კონფერენციის მიზანია რეგიონში და მის გარეთ ეკონომიკურ-პოლიტიკური თუ სოციალური საკითხების მეცნიერული ანალიზი, ექსპერტთა მოსაზრებების ურთიერთგაცვლა და პრობლემატურ საკითხებთან მიმართებაში ოპტიმალური გამოსავლის გზების ძიება“,- ნათქვამია ინფორმაციაში.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო