გრიგოლ ლილუაშვილი - მგონია, რომ დეპუტატები კმაყოფილები დარჩნენ, ვინაიდან, რისი თქმაც ამ ფორმატში შეიძლებოდა, ყველაფერი გავხსენით

მგონია, რომ დეპუტატები კმაყოფილები დარჩნენ, ვინაიდან, რისი თქმაც ამ ფორმატში შეიძლებოდა, ყველაფერი გავხსენით, - ამის შესახებ საქართველოს სახელმწიფო უსაფრთხოების სამსახურის უფროსმა, გრიგოლ ლილუაშვილმა განაცხადა.

მისი თქმით, პარლამენტის დახურულ სხდომაზე, სადაც სუს-ის ანგარიშს განიხილავდნენ, აბსოლუტურად კონსტრუქციული დიალოგი იყო.

„აბსოლუტურად კონსტრუქციული დიალოგი იყო, მათ შორის ოპოზიციის წარმომადგენლებთანაც. დავრწმუნდი, წელსაც, როგორც წინა წელს, იმის წინა წელსაც, ზუსტად იგივე იყო, როდესაც კამერები და საჯაროობა ეცლება სხდომას, მაშინვე კონსტრუქციულ რეჟიმში გადადის ყველა და მართლა აინტერესებს საკითხები, თუმცა გარეთ რას ამბობენ, მე უკვე აღარ ვიცი. ჩაიარა ძალიან კონსტრუქციულად, იყო საქმიანი შეკითხვები, გაიცა საქმიანი პასუხები. დახურული სხდომა არ გულისხმობს იმას, რომ ვინმესთან რამე დასამალი გვაქვს, უბრალოდ, არის საკითხები, რომლის საჯაროდ გამოტანამ, მათ შორის შეკითხვის დასმამ, შეკითხვის დასმის ფორმატმაც, ზრახვებმა დააზიანოს ესა თუ ისა სენსიტიური საკითხი , მათ შორის ოკუპაციის მიმართულებით, ჰიბრიდული ომის, ჯაშუშებთან გამკლავების, ტერორიზმის და ა.შ. მგონია, რომ დეპუტატები კმაყოფილები დარჩნენ, ვინაიდან, რისი თქმაც ამ ფორმატში შეიძლებოდა, ჩვენ ყველაფერი გავხსენით. თუმცა არის საკითხები, რომლებიც განკუთვნილია თავდაცვისა და უსაფრთხოების კომიტეტის ფორმატისთვის და არის საკითხები, რომლებიც განკუთვნილია სპეციალური ნდობის ჯგუფისთვის, რომელიც ამ კომიტეტის ფარგლებში ფუნქციონირებს და მასში მონაწილეობას იღებს, როგორც პოზიციის, ისე ოპოზიციის წარმომადგენლები“, - განაცხადა მან.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის