სუს-ის ხელმძღვანელის განცხადებით, ოკუპირებულ აფხაზეთში უკანონო პატიმრობაში მყოფი  ირაკლი ბებუას ჯანმრთელობის მდგომარეობა დამაკმაყოფილებელია

სახელმწიფო უსაფრთხოების სამსახურის ხელმძღვანელის, გრიგოლ ლილუაშვილის განცხადებით, ოკუპირებულ აფხაზეთში უკანონო პატიმრობაში მყოფი ირაკლი ბებუას ჯანმრთელობის მდგომარეობა დამაკმაყოფილებელია.

ლილუაშვილის თქმით, ოკუპირებულ ტერიტორიებზე პატიმრობაში მყოფი პირების ჯანმრთელობის შესახებ უტყუარ ცნობებს ოჯახი ევროკავშირის მისიისა და წითელი ჯვრის შუამავლობით იღებს ინფორმაციას.

„მარტო ბებუა არ არის, არის კიდევ 9 პირი, ორივე მიმართულებით. მათი ჯანმრთელობის მდგომარეობა დამაკმაყოფილებელია. ევროკავშირის მისიისა და წითელი ჯვრის შუამავლობით ოჯახი ახერხებს მათი ჯანმრთელობის შესახებ უტყუარი ცნობების მიღებას. მათ სიცოცხლეს და ჯანმრთელობას, საბედნიეროდ, საფრთხე არ ემუქრება.

ჩვენ ვმუშაობთ ჩვენს საერთაშორისო პარტნიორებთან ერთად, რათა რაც შეიძლება მალე მოხდეს ამ პირების გამოშვება“,- განაცხადა ლილუაშვილმა.

ცნობისთვის, ოკუპირებულ აფხაზეთში ირაკლი ბებუა 2020 წლის სექტემბერში დააკავეს.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია