სახალხო დამცველი - ვისურვებდი, რომ მომავალ წელს, როდესაც მოვალ ამ დარბაზში, უფრო მეტი ვისაუბროთ უფლებებზე, იმ პრობლემებზე, რაც ამ ქვეყანაში არსებობს და ნაკლები ვისაუბროთ პოლიტიკაზე

ვისურვებდი, რომ მომავალ წელს, როდესაც მოვალ ამ დარბაზში უფრო მეტი ვისაუბროთ უფლებებზე, იმ პრობლემებზე, რაც ამ ქვეყანაში არსებობს და ნაკლები ვისაუბროთ პოლიტიკაზე, - ამის შესახებ სახალხო დამცველმა, ლევან იოსელიანმა პარლამენტში ადამიანის უფლებათა და თავისუფლებათა დაცვის მდგომარეობის შესახებ 2022 წლის ანგარიშის წარდგენისას დასკვნითი სიტყვის წარმოთქმის დროს განაცხადა.

იოსელიანმა იმედი გამოთქვა, რომ საქართველოში წლიდან წლამდე ადამიანის უფლების მდგომარეობა მხოლოდ გაუმჯობესდება და არ გაუარესდება.

„მადლობა მინდა გადაგიხადოთ კითხვებისთვის, კრიტიკული მოსაზრებებისთვის, კარგი სიტყვებისთვის. ჩემთვის მთავარია, იქნება პოლიტიკური ჯგუფი, პარტია თუ არასამთავრობო ორგანიზაცია, მთავარია არავის ჰქონდეს განცდა, რომ სახალხო დამცველს ჰქონდა შესაძლებლობა რამე გაეკეთებინა და მან ეს არ გააკეთა; მანდატი ამას ავალდებულებდა და ამაზე უარი თქვა, ეს არის ყველაზე მთავარი და ის თუ ვის როგორი აღქმა ექნება ჩემი, მეორეხარისხოვანია. საბოლოო ჯაში ყველაფერი თავს იყრის ანგარიშში, რომელსაც სახალხო დამცველი წარმოადგენს.

ვისურვებდი, რომ მომავალ წელს, როდესაც მოვალ ამ დარბაზში უფრო მეტი ვისაუბროთ უფლებებზე, იმ პრობლემებზე, რაც ამ ქვეყანაში არსებობს და ნაკლები ვისაუბროთ პოლიტიკაზე. მე წარმოვადგენ მთელ ინსტიტუციას. ამ შემთხვევაში, როგორც ლევან იოსელიანი, ხომ არ გესაუბრებით. გესაუბრებით, როგორც კონსტიტუციური ორგანოს ხელმძღვანელი, რომელიც ამ ორგანოს სახელით საუბრობს. ამიტომ ეს ყველაფერი არ მაძლევს იმის საფუძველს, რომ პასუხები გავცე კითხვებს, რომელიც მე მომემართება.

იმედი მაქვს, რომ ამ ქვეყანაში წლიდან წლამდე ადამიანის უფლების მდგომარეობა მხოლოდ გაუმჯობესდება და არ გაუარესდება“,- განაცხადა იოსელიანმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი